மும்பை-கொழும்பு நேரடி விமான சேவையை இன்டிகோ நிறுவனம் இன்று முதல் தொடங்குகிறது

இந்திய விமான நிறுவனமான இண்டிகோ இன்று (12) முதல் மும்பை-கொழும்பு நேரடி விமானங்களை தொடங்கும் என்று தெரிவித்துள்ளது.

அதன்படி, இண்டிகோ ஏர்லைன்ஸ் வாரத்தில் மூன்று முறை செவ்வாய், வியாழன் மற்றும் வெள்ளி ஆகிய நாட்களில் மும்பை-கொழும்பு நேரடி விமானங்களை இயக்கும்.

IndiGo தற்போது கொழும்பில் இருந்து இந்தியாவின் மூன்று இடங்களுக்கு விமானங்களை இயக்குகிறது (சென்னை ஒரு நாளைக்கு இரண்டு முறை, பெங்களூர் ஒரு நாளைக்கு ஒரு முறை மற்றும் ஹைதராபாத் வாரத்தில் ஆறு நாட்கள்).

மும்பை-கொழும்பு விமானங்கள் ஆரம்பிக்கப்படுவதன் மூலம், இது நான்கு இடங்களுக்கு அதிகரிக்கும் எனவும், இது இலங்கைக்கும் இந்தியாவுக்கும் இடையிலான பயணம், வர்த்தகம் மற்றும் சுற்றுலா வளர்ச்சிக்கு பெரும் பங்களிப்பை வழங்கும் எனவும் விமான நிலையங்கள் மற்றும் விமான சேவைகள் (இலங்கை) (தனியார்) லிமிடெட் தெரிவித்துள்ளது.