முட்டையை விட இதில் சத்துக்கள் அதிகமாம்!

ஆரோக்கியமான வாழ்விற்கு தேவைப்படும் ஊட்டச்சத்துக்களும், வைட்டமின்களும் நிறைந்த உணவுப் பொருட்கள் குறித்து இங்கு காண்போம்.

முட்டையில் அதிக அளவில் புரோட்டின்கள், வைட்டமின்கள் நிறைந்துள்ளன. எனினும், முட்டையை விட சிலவகை தானிய வகைகளில் ஏராளமான வைட்டமின் சத்துக்கள் நிறைந்துள்ளன.

சோயாபீன்ஸ்
ஒரு கப் சமைக்கப்பட்ட சோயாபீன்ஸில், கிட்டத்தட்ட 28 கிராம் புரோட்டின் நிறைந்துள்ளது. சோயாபீன்ஸ் பல்வேறு உணவுகளுக்கு மூலப்பொருளாக இருக்கிறது. இதனை நொறுக்குதீனியாக பயன்படுத்தலாம்.

திணை
இந்த தானியத்தில் புரோட்டின், நார்ச்சத்துக்கள், அமினோ அமிலங்கள் ஆகியவை அதிகளவில் நிறைந்துள்ளன. குறிப்பாக தசைகளை வலுப்படுத்தும் அர்கினைன் உள்ளது. ஒரு கப் திணையில் 8 கிராம் புரோட்டின் உள்ளது குறிப்பிடத்தக்கது.

பூசணி விதைகள்
பூசணி விதைகளில் பாஸ்பரஸ், ஜிங்க், மக்னீசியம், புரோட்டின்கள் ஆகிய சத்துக்கள் நிறைந்துள்ளன. 30 கிராம் பூசணி விதையில் நிறைந்துள்ள புரோட்டின்கள், முட்டையில் உள்ள புரோட்டின் அளவை விட அதிகம்.

பயிறு மற்றும் பருப்பு
பருப்பு புரோட்டின்களுக்கான மிகச்சிறந்த உணவாக உள்ளது. இதில் உடலுக்கு தேவையான நார்ச்சத்துக்களும், அத்தியாவசியமான கார்போஹைட்ரேட்டுகள் உள்ளன. ஒரு கப் பருப்பில் 14 முதல் 16 கிராம் புரோட்டின் உள்ளது.

சணல் விதைகள்
சணல் விதைகளில் குறைந்த அளவு கலோரிகள் மற்றும் அதிக அளவு புரோட்டின்கள் உள்ளன. இரண்டு தேக்கரண்டி விதையில் 6.3 புரோட்டின் உள்ளன. மேலும், இதய ஆரோக்கியத்திற்கு அவசியமான லினோலிக் அமிலம், ஒமேகா 3 அமிலமும் உள்ளன.

கிரேக்க தயிர்
வீட்டில் தயாரிக்கப்படும் தயிரை விட, கிரேக்க தயிரில் புரோட்டின்களின் அளவு இருமடங்கு உள்ளது. இது வயிற்றை எளிதில் நிரப்புவதோடு ஆரோக்கியத்திற்கு அவசியமான புரோபயாடிக்குகள் சத்துகள் அதிகம் உள்ளது. ஒரு கப் கிரேக்க தயிரில் 17 கிராம் புரோட்டின் உள்ளது.

பன்னீர்
பன்னீரில் புரோட்டின் அதிகளவு உள்ளது. மேலும் இதில் குறைந்த அளவு கலோரிகளும் உள்ளன. 100 கிராம் பன்னீரில் 2 கிராம் புரோட்டின் உள்ளது. இது முட்டையில் உள்ள புரோட்டினை விட மிக அதிகமாகும்.

சுண்டல்
சுண்டலில் பல்வேறு சத்துக்கள் நிறைந்துள்ளன. வேக வைக்கப்பட்ட அரை கப் சுண்டலில் 7.3 கிராம் புரோட்டின் உள்ளது. இது ஆற்றலை அதிகரிப்பதுடன், பசியின்மையையும் கட்டுப்படுத்தும். மேலும், க்ளோசிகிட்டினின் அளவை அதிகரிக்க பயன்படுகிறது.

பாதாம் வெண்ணெய்
50 கிராம் பாதாம் வெண்ணெயில் 10 கிராம் புரோட்டின் உள்ளது. மேலும் பாதாம் வெண்ணெயில் கொழுப்புகள், வைட்டமின் ஈ, பயோட்டின் மற்றும் மங்கனீசு ஆகியவை உள்ளன.

Leave A Reply

Your email address will not be published.