சர்ச்சைக்குரிய பிரச்சனை குறித்து ஹூல் விளக்கம் : கருத்து சொல்ல முடியாது – தேசப்பிரிய

மோசடி செய்பவர்கள், கெட்டவர்கள், பார் உரிமையாளர்களுக்கு வாக்களிக்க வேண்டாம் .. – வாக்களிக்க வேண்டிய நபர்களை ஹூல் பரிந்துரைக்கிறார்…. மஹிந்த தேசபிரியாவிடமிருந்தும் கருத்து

தேர்தல் காலத்தில் வாக்காளர்கள் தமது வாக்கை யாருக்கு பாவிப்பது என அவர் வெளியிட்ட சர்ச்சைக்குரிய கருத்து குறித்து தேர்தல் உறுப்பினர் ரத்னஜீவன் ஹூல் விளக்கமளித்துள்ளார்.

‘சிரச தொலைக் காட்சியில் பேசிய அவர், இலங்கை பொதுசன முன்னணிக்கு வாக்களிக்க வேண்டாம் என்று தான் கூறவில்லை என்று அவர் தெரிவித்தார்.

எங்கள் பேஸ்புக் பக்கத்தை லைக் செய்யுங்கள்..!

தவறான தகவல் கொடுப்பவர்கள், மோசடி செய்பவர்கள், கெட்டவர்கள் மற்றும் மதுபான உரிமையாளர்களுக்கு வாக்களிக்க வேண்டாம் என தான் கூறியதாக தெரிவித்துள்ளார்.

மேலும் தேர்தல் ஆணையத்தின் உறுப்பினர்களால் அங்கீகரிக்கப்பட்ட மார்ச் 12 பிரச்சாரத்தின் கொள்கைகள் இவையாகும் என்றார்.

அவர் தனது கருத்துக்களை சிரச தொலைக் காட்சியில் பகிர்ந்து கொண்டு “இரண்டு அல்லது மூன்று ஆண்டுகளுக்கு முன்பு, BMICHஇல், மார்ச் 12 இயக்கம் கூடியது. தேர்தல் ஆணைய உறுப்பினர்களும் பங்கேற்றனர். மார்ச் 12 பிரச்சாரத்தின் கொள்கைகளுக்கு நாங்கள் ஒப்புதல் அளித்தோம். அந்த கொள்கைகள் என்ன? கெட்டவர்களுக்கு வாக்களிக்க வேண்டாம். மதுபான கடை உரிமையாளர்களுக்கு வாக்களிக்க வேண்டாம். வன்முறையாளர்களுக்கு வாக்களிக்க வேண்டாம் என்பதாகும் அதைத்தான் நான் சொன்னேன். பொதுஜன முன்னணிக்கு வாக்களிக்க வேண்டாம் என்று எந்த நேரத்திலும் நான் சொல்லவில்லை. நான் ஒரு அனுபவம் வாய்ந்த நபர். எனவே நான் அதை ஒருபோதும் சொல்ல மாட்டேன். உங்களை ஏமாற்றும் நபர்களுக்கு வாக்களிக்க வேண்டாம். தவறான தகவல்களை வழங்குவோருக்கு வாக்களிக்க வேண்டாம் ” என சிரச தொலைக்காட்சியில் கருத்து தெரிவித்தார்.

இது தொடர்பாக தேர்தல் ஆணையத் தலைவர் மஹிந்த தேசபிரியாவைத் தொடர்பு கொண்டபோது, ​​ ஹூலின் தமிழ் அறிக்கையின் சரியான மொழிபெயர்ப்பு இல்லாமல் அது குறித்து எதுவித கருத்தையும் தன்னால் கூற முடியாது என்று தெரிவித்தார்.

– newsfirst

Comments are closed.