அநுர அரசின் சிறந்த வேலைத்திட்டங்களுக்கு ஆதரவு! – இராதாகிருஷ்ணன் எம்.பி. தெரிவிப்பு.
“அநுர அரசு சிறப்பான வேலைத்திட்டங்களை முன்னெடுத்தால் அதற்கு ஆதரவளிக்கப்படும்.”
இவ்வாறு மலையக மக்கள் முன்னணியின் தலைவரும் நுவரெலியா மாவட்ட நாடாளுமன்ற உறுப்பினருமான வே.இராதாகிருஷ்ணன் தெரிவித்தார்.
ஐக்கிய மக்கள் கூட்டணியின் இன்றைய நாடாளுமன்றக் குழுக் கூட்டம் முடிவடைந்த பின்பு ஊடகங்களிடம் கருத்து வெளியிடுகையிலேயே அவர் மேற்கண்டவாறு கூறினார்.
எதிரணிகளின் ஒன்றிணைவு பற்றி எழுப்பப்பட்ட கேள்விக்கு, “அது நல்லதுதானே.” – என்று இராதாகிருஷ்ணன் எம்.பி. பதிலளித்தார்.
தேசிய மக்கள் சக்தி அரசின் ஓராண்டு நிறைவு எப்படி என்ற கேள்விக்கு, “நல்லது, அநுர அரசு நல்ல வேலைகளைச் செய்தால் ஆதரவளிப்போம். தவறான விடயங்களைச் செய்தால் அவற்றை எதிர்ப்போம்.” – என்று இராதாகிருஷ்ணன் எம்.பி. பதிலளித்தார்.