தேர்தல் பற்றி ஐ.தே.கவின் முடிவு!

எதிர்வரும் உள்ளூராட்சி சபைத் தேர்தலில் ஸ்ரீலங்கா பொதுஜன பெரமுனவுடன் இணைந்து போட்டியிட ஐக்கிய தேசியக் கட்சி தீர்மானித்துள்ளது.

இன்று இடம்பெற்ற கலந்துரையாடலின் பின்னர் ஊடகங்களுக்கு கருத்து தெரிவித்த ஐக்கிய தேசிய கட்சியின் செயலாளர் நாயகம் பாலித ரங்கே பண்டார இதனை தெரிவித்தார்.

“முன்னைய கலந்துரையாடலின் போது ஸ்ரீலங்கா பொதுஜன பெரமுனவும் ஐக்கிய தேசியக் கட்சியும் இணைந்து இந்த உள்ளூராட்சி சபைத் தேர்தலில் போட்டியிடும் என்று தீர்மானம் எடுத்துள்ளோம்.

அதன்படி, அந்தந்த மாவட்டங்களில் உள்ள இரு கட்சித் தலைவர்களையும் அழைத்து, யானை சின்னத்தில் போட்டியிடும் உள்ளூராட்சி மன்றங்கள் எவை , மொட்டு சின்னத்தில் போட்டியிடும் உள்ளுராட்சி மன்றங்கள் எவை , எந்த உள்ளாட்சி அமைப்புகள் பொது சின்னத்தில் போட்டியிடும் என்பது குறித்தும் ஆலோசித்தோம். விவாதித்து உடன்பாடு ஏற்பட்டது.

இன்று 5 மாவட்டங்கள் குறித்து முடிவு எடுக்கப்பட்டது. எதிர்வரும் நாட்களில் ஏனைய மாவட்டங்கள் குறித்தும் கலந்துரையாடி அவ்வாறானதொரு முடிவை எடுப்போம் என நம்புகின்றோம். விரைவில் இரு கட்சிகளும் பொதுவான சின்னம் குறித்தும் விவாதித்து முடிவெடுக்கும்” என்றார் ஐக்கிய தேசியக் கட்சியின் பொதுச் செயலாளர் பாலித ரங்கே பண்டார.