மாணவியை வீட்டிற்கு அழைத்துச் சென்ற பிரதான பாடசாலை ஒன்றின் ஆசிரியர் கைது.

ஹட்டன் பிராந்திய கல்வி அலுவலகத்தின் கட்டுப்பாட்டில் உள்ள கினிகத்தேனை பொலிஸ் பிரிவுக்குட்பட்ட பிரதான பாடசாலை ஒன்றின் ஆசிரியர் (27) சந்தேகத்தின் பேரில் கினிகத்தேனை பொலிஸாரால் கைது செய்யப்பட்டுள்ளார்.

அதே பொலிஸ் எல்லைக்குட்பட்ட மற்றுமொரு பாடசாலையிலிருந்து 11 ஆம் தரத்தில் கல்வி கற்கும் பாடசாலை மாணவியை ஆசிரியர் தங்கியிருக்கும் பாடசாலையின் ஆசிரியர் இல்லத்திற்கு அழைத்து வந்ததாக கூறப்படும் சம்பவம் தொடர்பில் கினிகத்தேனை பொலிஸார் சந்தேகத்தின் பேரில் அவரை கைது செய்துள்ளனர்.

சந்தேகத்தின் பேரில் கைது செய்யப்பட்ட ஆசிரியர் தாம் தற்போது பணிபுரியும் பாடசாலைக்கு வருவதற்கு முன்னர் குறித்த பாடசாலை மாணவி தாம் தற்போது கல்வி கற்கும் பாடசாலையிலேயே பல வருடங்கள் பணியாற்றியதாகவும், வெளி வகுப்பு தாமதமாக (27ம் தேதி) துவங்கியதால், தான் அங்கு சென்றதாகவும் மாணவி கினிகத்தேனை பொலிஸாரிடம் வாக்குமூலம் வழங்கியுள்ளார்.

ஆசிரியரது இல்லத்திற்குச் சென்ற போதும் ஆசிரியர் தன்னை துன்புறுத்தவில்லை என பாடசாலை மாணவி பொலிஸாரிடம் மேலும் தெரிவித்துள்ளார்.

பாடசாலை மாணவி மருத்துவ பரிசோதனைக்காக நாவலப்பிட்டி மாவட்ட பொது வைத்தியசாலை சட்ட வைத்தியரிடம் அனுப்பி வைக்கப்பட்டுள்ளதுடன், கைது செய்யப்பட்ட சந்தேகநபரான ஆசிரியரை ஹட்டன் நீதவான் நீதிமன்றில் ஆஜர்படுத்தவுள்ளதாக கினிகத்தேனை பொலிஸார் தெரிவித்துள்ளனர்.