துமிந்த , சிறைச்சாலை மருத்துவமனையிலிருந்து வெலிக்கடையில் உள்ள சாதாரண சிறைக்கு …

மரண தண்டனை விதிக்கப்பட்டு வெலிக்கடை சிறைச்சாலையில் தடுத்து வைக்கப்பட்டுள்ள முன்னாள் நாடாளுமன்ற உறுப்பினர் துமிந்த சில்வா, இன்று வெலிக்கடை சிறைச்சாலை மருத்துவமனையில் இருந்து சாதாரண சிறைக்கு மாற்றப்பட்டார்.

மருத்துவ ஆலோசனையின் பேரில் துமிந்த சில்வா வெலிக்கடை சிறைச்சாலை மருத்துவமனையில் அனுமதிக்கப்பட்டார், ஆனால் சிறப்பு மருத்துவ வாரியம் அவர் இனி மருத்துவமனையில் இருக்கத் தேவையில்லை என்று பரிந்துரைத்ததைத் தொடர்ந்து சாதாரண சிறைக்கு மாற்றப்பட்டார்.

சிறைச்சாலை ஊடகப் பேச்சாளர், சிறைச்சாலை ஆணையர் காமினி பி. திசாநாயக்க ஊடகங்களுக்கு கருத்து தெரிவிக்கும் போதே இவ்வாறு தெரிவித்தார்.