“உலகப் பொருளாதார வரிசையில் 6-வது இடத்திற்கு சரிந்தது இந்தியா: பிரித்தானியா மீண்டும் முன்னேற்றம்!”

சர்வதேச நாணய நிதியம் (IMF) வெளியிட்ட சமீபத்திய தரவுகளின்படி, இந்தியா உலகின் 6-வது பெரிய பொருளாதாரமாக சரிந்துள்ளது.

இதனால், இந்தியா பிரித்தானியாவை விட பின்தங்கியுள்ளது.

2026-27 நிதியாண்டில், இந்தியாவின் மொத்த உள்நாட்டு உற்பத்தி (GDP) 4.15 டிரில்லியன் டொலர் என மதிப்பிடப்பட்டுள்ளது.

அதேசமயம், பிரித்தானியாவின் GDP 4.26 டிரில்லியன் டொலராக உள்ளது.

அடிப்படை ஆண்டின் (Base Year) திருத்தம் மற்றும் ரூபாய் மதிப்பு குறைவு ஆகியவற்றால் இந்த சரிவு ஏற்பட்டதாக நிபுணர்கள் கூறுகின்றனர்.

புதிய Base Year கணக்கீட்டில், இந்தியாவின் nominal GDP 4 சதவீதம் குறைந்துள்ளது. மேலும், 2026-ஆம் ஆண்டில் ரூபாய், அமெரிக்க டொலருக்கு எதிராக 11 சதவீதம் மதிப்பிழந்துள்ளது.

2025-ஆம் ஆண்டில் இந்தியாவின் GDP 3.92 டிரில்லியன் டொலராக இருந்தது. அப்போது பிரித்தானியா 4 டிரில்லியன் டொலர் GDP-யுடன் இந்தியாவை முந்தியது.

இதனால், இந்தியா 2025-இல் ஜப்பானை முந்தி 4-வது பெரிய பொருளாதாரமாக மாறும் என்ற எதிர்பார்ப்பு தாமதமாகியுள்ளது.

எனினும், உள்நாட்டு வளர்ச்சி விகிதம் வலுவாகவே உள்ளது. 2021 முதல் 2025 வரை, இந்தியா 8.56 சதவீத வளர்ச்சி விகிதம் பெற்றுள்ளது. IMF, 2027-இல் இந்தியாவின் வளர்ச்சி விகிதம் 6.5 சதவீதமாக இருக்கும் என கணித்துள்ளது.

இந்தியாவின் பொருளாதார வல்லுநர்கள், “இந்த சரிவு தற்காலிகம் தான். 2031-க்குள் இந்தியா ஜேர்மனியை முந்தும்” என நம்பிக்கை தெரிவித்துள்ளனர்.