லங்கா மருத்துவமனை வெடிகுண்டு பற்றிய விபரம் வெளியானது

கொழும்பு நாரஹேன்பிட்ட லங்கா மருத்துவமனை வளாகத்திலிருந்து நேற்று (14) கைக்குண்டு ஒன்று கண்டுபிடிக்கப்பட்டது.

போலீசார் நடத்திய விசாரணையில், கைக்குண்டின் பாதுகாப்பு கிளிப் அகற்றப்பட்டு, அதை வெடிக்க வைக்க ஒரு கொசு சுருள் இணைக்கப்பட்டிருந்தது தெரியவந்தது.

இது குறித்து நாரஹேன்பிட்ட காவல்துறையினரின் தகவல் கிடைத்ததும் , போலீஸ் சிறப்பு அதிரடிப்படையின் வெடிகுண்டு செயலிழப்பு பிரிவு சம்பவ இடத்திற்கு வரவழைக்கப்பட்டது.

வெடிகுண்டு செயலிழப்பு பிரிவு கை வெடிகுண்டை பரிசோதித்தபோது அது செயலில் உள்ள குண்டு அல்ல என கண்டறிந்தது.

மேலதிக விசாரணைகள் தொடர்கின்றன.