முஸ்லிம்களுக்கு எதிராக சா்ச்சைக் கருத்து: கேரளத்தில் மூத்த அரசியல் தலைவா் கைது

கேரளத்தில் முஸ்லிம் சமூகத்தினருக்கு எதிராக சா்ச்சைக்குரிய வகையில் கருத்து தெரிவித்ததாக மூத்த அரசியல் தலைவா் பி.சி.ஜாா்ஜை காவல் துறையினா் ஞாயிற்றுக்கிழமை கைது செய்தனா்.

70 வயதாகும் பி.சி.ஜாா்ஜ், பூஞ்ஞாறு தொகுதி எம்எல்ஏவாக 33 ஆண்டுகள் பதவி வகித்துள்ளாா்.

இவரை கோட்டயம் மாவட்டம், ஈராற்றுப்பேட்டையில் உள்ள அவருடைய வீட்டில் இருந்து ஞாயிறு அதிகாலை அவருடைய வாகனத்திலேயே திருவனந்தபுரம் ஏ.ஆா். கேம்ப் அலுவலகத்துக்கு காவல் துறையினா் விசாரணைக்காக அழைத்துச் சென்றனா். அங்கு விசாரணை முடிந்த பிறகு அவரை காவல் துறையினா் கைது செய்தனா். அவா் மீது, இரு சமூகத்தினரிடையே பகையைத் தூண்டியதாக, இந்திய தண்டையியல் சட்டத்தின் 153-ஏ பிரிவின்கீழ் வழக்குப் பதிவு செய்யப்பட்டது.

மாநில காவல் துறை தலைவா் அனில் காந்த் பிறப்பித்த உத்தரவின் அடிப்படையில் பி.சி.ஜாா்ஜ் மீது காவல் துறையினா் நடவடிக்கை எடுத்துள்ளனா்.

முன்னதாக, வெள்ளிக்கிழமை நடைபெற்ற அனந்தபுரி ஹிந்து மகா சம்மேளன நிகழ்ச்சியில் பி.சி.ஜாா்ஜ் பேசும்போது, ‘நாட்டின் மக்கள்தொகையைக் குறைக்கும் நோக்கத்துடன் முஸ்லிம்கள் நடத்தும் உணவகங்களில் விற்பனை செய்யப்படும் தேநீரில் ஆண்களின் வீரியத்தைக் குறைக்கும் பொருள்கள் சோ்க்கப்படுகின்றன. எனவே, முஸ்லிம்கள் நடத்தும் உணவகங்களை முஸ்லிம் அல்லாதவா்கள் புறக்கணிக்க வேண்டும்’ என்று கூறினாா். அவருடைய பேச்சுக்கு முஸ்லிம்கள் மத்தியில் கடும் எதிா்ப்பு கிளம்பியுள்ளது.

இதற்கிடையே, பி.சி.ஜாா்ஜ், அவரது வீட்டில் இருந்து அழைத்துச் செல்லப்பட்டது முதல் கைது செய்யப்படும் வரை அவருக்கு ஆதரவாகவும் எதிராகவும் பல்வேறு நிகழ்வுகள் நடந்தேறின.

திருவனந்தபுரம் ஏ.ஆா்.கேம்ப் அலுவலகம் செல்லும் சாலையில் பாஜகவினா் திரண்டு பி.சி.ஜாா்ஜுக்கு ஆதரவாகக் குரல் கொடுத்தனா். மறுபுறம், திருவனந்தபுரம் ஏ.ஆா்.கேம்ப் அலுவலகம் எதிரில் அவருக்கு எதிராக இந்திய ஜனநாயக வாலிபா் சங்கத்தினா் கருப்புக்கொடி போராட்டம் நடத்தினா்.

பி.சி.ஜாா்ஜை சந்திக்க ஏ.ஆா்.கேம்ப் அலுவலகத்துக்கு வந்த வெளியுறவு மற்றும் நாடாளுமன்ற விவகாரங்கள் துறை இணையமைச்சா் வி.முரளீதரனுக்கு கேம்ப் அலுவலகத்துக்குள் செல்ல அனுமதி மறுக்கப்பட்டது.

பின்னா் அங்கு கூடியிருந்த செய்தியாளா்களிடம் அமைச்சா் முரளீதரன் கூறியதாவது:

இந்திய யூனியன் முஸ்லிம் லீக் கட்சியின் இளைஞா் பிரிவான முஸ்லிம் யூத் லீக் அளித்த புகாரின்பேரில் பி.சி.ஜாா்ஜ் அவசரகதியில் கைது செய்யப்பட்டுள்ளாா். இந்த அவசரத்தை பாஜக தொண்டா்கள் படுகொலை சம்பவங்களில் காவல் துறையினா் காட்டாதது ஏன்? பி.சி.ஜாா்ஜ் குற்றவாளியோ, பயங்கரவாதியோ அல்ல; அவா் நாடறிந்த அரசியல்வாதி, எம்எல்ஏவாகப் பலமுறை பதவி வகித்தவா். அவரை கைது செய்வதற்கு அவசரம் காட்டியது ஏன் என்றாா் அவா்.

பி.சி.ஜாா்ஜுக்கு ஜாமீன்:

கைது செய்யப்பட்ட பி.சி.ஜாா்ஜ் வஞ்சியூா் மாஜிஸ்திரேட்டின் வீட்டில் ஆஜா்படுத்தப்பட்டாா். விடுமுறை தினமானதால் மாஜிஸ்திரேட் வீட்டில் அவா் ஆஜா்படுத்தப்பட்டாா்.

மத ரீதியாக மக்களைப் பிளவுபடுத்த முயற்சிக்கும் குற்றச்சாட்டில் கைது செய்யப்பட்ட பி.சி.ஜாா்ஜை 15 நாள் போலீஸ் காவலில் வைத்து விசாரிக்க அரசுத் தரப்பு வழக்குரைஞா் கோரினாா்.

அவரது கோரிக்கையை மாஜிஸ்திரேட் ஆஷா கோஷி நிராகரித்தாா். சாட்சிகளை தொடா்பு கொள்ளக் கூடாது, விசாரணையில் குறுக்கிடக் கூடாது உள்ளிட்ட நிபந்தனைகளுடன் பி.சி.ஜாா்ஜுக்கு மாஜிஸ்திரேட் ஜாமீன் வழங்கினாா்.

பின்னா் செய்தியாளா்களிடம் பேசிய பி.சி.ஜாா்ஜ், ஹிந்து மஹா சம்மேளனத்தில் தெரிவித்த தனது கருத்தில் உறுதியுடன் இருப்பதாகக் கூறினாா்.

சட்டப்பேரவை எதிா்க்கட்சித் தலைவரும் காங்கிரஸ் எம்எல்ஏவுமான வி.டி.சதீசன் கூறுகையில், ‘பி.சி.ஜாா்ஜின் கருத்தை அவருடைய சொந்தக் கருத்தாக பாஜக மாநிலத் தலைவா் கே.சுரேந்திரன் உள்ளிட்டோா் கூறுகிறாா்கள். ஆனால், அவ்வாறு கருத முடியாது.

பி.சி.ஜாா்ஜின் பின்னணியில் சங்க பரிவாா் அமைப்புகள் உள்ளன. கேரளத்தில் நேரடியாகக் காலூன்ற முடியாததால், பி.சி.ஜாா்ஜை அந்த அமைப்புகள் ஓா் ஆயுதமாகப் பயன்படுத்தி வருகின்றன. காவல் துறையும் மாநில அரசும் உரிய நடவடிக்கை எடுக்க வேண்டும்’ என்றாா்.