ராஜபக்சக்களைக் காக்கவே ஜனாதிபதியாகினார் ரணில் – அநுரகுமார கருத்து.

“ஶ்ரீலங்கா பொதுஜன முன்னணி கட்சியிலிருந்து ராஜபக்சக்களைத் தவிர, வேறு உறுப்பினர்களுக்கு ஜனாதிபதியாகும் வாய்ப்பு வழங்கப்படமாட்டாது. ஏனெனில் அக்கட்சியில் இருந்து எவராவது ஜனாதிபதியானால் அக்கட்சியின் தலைமைத்துவத்தை ராஜபக்சக்கள் இழக்க நேரிடும். எதிர்கால ராஜபக்சக்களுக்காகக் கட்சியைப் பாதுகாக்க வேண்டியுள்ளது. அதனால்தான் ‘மொட்டு’க் கட்சி அல்லாத ஒருவரை ஜனாதிபதியாக்க ‘மொட்டு’க் கட்சி நடவடிக்கை எடுத்துள்ளது.”

இவ்வாறு ஜே.வி.பியின் தலைவர் அநுரகுமார திஸாநாயக்க தெரிவித்தார்.

சிங்களத் தொலைக்காட்சி ஒன்றுக்கு அவர் வழங்கிய நேர்காணலில் மேலும் தெரிவித்ததாவது:-

எங்கள் பேஸ்புக் பக்கத்தை லைக் செய்யுங்கள்..!

“ஸ்ரீலங்கா பொதுஜன முன்னணி உறுப்பினர்களுக்குப் பிரதமர் பதவிக்கும் வரமுடியாது. அவ்வாறு வந்தாலும் அவர் ‘மொட்டு’க் கட்சித் தலைவராகிவிடுவார். அதனால்தான் மஹஜன எக்சத் பெரமுன கட்சி தலைவரான தினேஷ் குணவர்தன பிரதமராக்கப்பட்டுள்ளார்.

சஜித்தை ஜனாதிபதியாக்கினால் அந்த அதிகாரத்தைப் பயன்படுத்தி, ராஜபக்சக்களுக்கு எதிராக அவர் அரசியல் முகாமொன்றைக் கட்டியெழுப்பிவிடுவார். ரணிலால் அது முடியாது. அவ்வாறு செய்யவும் மாட்டார். எனவே, ரணிலை, ராஜபக்சக்கள் தெரிவுசெய்வதற்கு இதுவும் ஒரு காரணம்.

அதேபோல் ஊழல், மோசடிகளில் இருந்து தம்மைக் காக்கும் சிறந்த காவலன் ரணில் என ராஜபக்கச்கள் கருதுகின்றனர்” – என்றார்.

Leave A Reply

Your email address will not be published.