உயர்தர தமிழ் விடைத்தாள்கள் மதிப்பீடு ஆரம்பம்!

உயர்தர தமிழ் வழி விடைத்தாள்களை மதிப்பிடுவதற்கான முதற்கட்ட பணிகள் இன்று (21) ஆரம்பமாகியுள்ளதாக பரீட்சை திணைக்களம் தெரிவித்துள்ளது.

இதன்படி, பல பாடங்கள் தொடர்பில் கட்டுப்பாட்டு விடைத்தாள் குறியிடும் நடைமுறையை மேற்கொள்ளும் நடவடிக்கைகள் தற்போது இடம்பெற்று வருவதாக ஜனாதிபதி ஊடகப் பிரிவு விடுத்துள்ள அறிவிப்பில் தெரிவிக்கப்பட்டுள்ளது.

பரீட்சைகள் ஆணையாளர் நாயகம் எச்.ஜே.எம்.சி. அமித் ஜயசுந்தர , இந்து சமயம், கிறிஸ்தவம், இந்து நாகரிகம், இந்திய நடனம், ஓரியண்டல் இசை, கர்நாடக இசை, மேற்கத்திய இசை, கலை, நாடகம் மற்றும் நாடகக் கலைகள் மற்றும் ஹிந்தி ஆகிய பாடங்கள் தொடர்பிலான நடவடிக்கைகள் ஆரம்பிக்கப்பட்டுள்ளதாக குறிப்பிட்டுள்ளார்.

யாழ்ப்பாணம், கொழும்பு, மட்டக்களப்பு, கம்பஹ, களுத்துறை மற்றும் குருநாகல் ஆகிய நகரங்களில் உள்ள விடைத்தாள் மதிப்பீட்டு நிலையங்களில் இந்த நடவடிக்கைகள் மேற்கொள்ளப்படுவதாக பரீட்சைகள் ஆணையாளர் நாயகம் தெரிவித்துள்ளார்.

சிங்களம் மற்றும் ஆங்கில மொழி உட்பட ஏனைய பாடங்களுக்கான விடைத்தாள் மதிப்பீட்டை ஆரம்பிப்பதற்கு போதிய விண்ணப்பங்கள் கிடைக்கப்பெற்றுள்ளதாகவும், அவற்றை நடைமுறைப்படுத்துவது தொடர்பில் உரிய தரப்பினருடன் கலந்துரையாடி வருவதாகவும் பரீட்சைகள் ஆணையாளர் நாயகம் மேலும் தெரிவித்தார்.

Leave A Reply

Your email address will not be published.