யாழ்ப்பாணத்தில் உள்ள பிரபல ஆண்கள் பாடசாலையில் 05 மாணவர்களுக்கு காசநோய்.

யாழ்ப்பாணத்தில் உள்ள பிரபல ஆண்கள் பாடசாலையொன்றின் ஐந்து மாணவர்களும் காசநோய்க்கு ஆளாகியுள்ள நிலையில், அந்த பாடசாலை தொடர்பில் யாழ் சுகாதார திணைக்களம் பல தீர்மானங்களை எடுத்துள்ளது.

முழுப் பள்ளி மாணவர்களையும் காசநோய் பரிசோதனைக்கு உட்படுத்த , நடமாடும் சுகாதார சேவை முகாமும் பள்ளியில் தொடங்கப்பட்டுள்ளது.

ஒரு மாணவரது உடல் எடை அசாதாரணமானது என , அவரது பெற்றோர்கள் யாழ்.போதனா வைத்தியசாலைக்கு சிகிச்சைக்காக அழைத்துச் சென்றபோது , 14 வயதுடைய மாணவரான அவருக்கு காசநோய் இருப்பது தெரியவந்துள்ளது.

பின்னர் யாழ்.போதனா வைத்தியசாலையில் இருந்து குழுவொன்று வந்து மாணவருடன் பழகிய , மாணவர்களை பரிசோதித்ததில் மேலும் நான்கு மாணவர்களுக்கு காசநோய் தொற்று இருப்பது உறுதி செய்யப்பட்டதையடுத்து பாடசாலையில் சுகாதார முகாம் ஆரம்பிக்கப்பட்டுள்ளது.

பள்ளி மாணவ, மாணவிகள் அனைவருக்கும் மாஸ்க் அணியுமாறும், காசநோயால் பாதிக்கப்பட்ட மாணவர்களை சில நாட்களுக்கு பள்ளிக்கு வர வேண்டாம் என்றும் அறிவுறுத்தப்பட்டுள்ளது.

பாடசாலை விடுமுறைகள் ஆரம்பமாகவுள்ள நிலையில் மாணவர்களுக்கு பாதகமான சூழ்நிலை இல்லை என சுட்டிக்காட்டியுள்ள யாழ் சுகாதாரத் திணைக்களம், தனியார் வகுப்புகளுக்குச் சென்று புத்தாண்டைக் கொண்டாடுவதில் அதிக முன்னெச்சரிக்கையுடன் இருக்குமாறு மாணவர்களுக்கு அறிவுறுத்தியுள்ளது.

யாழ்ப்பாணத்தில் உள்ள அந்தப் பாடசாலையில் காசநோய் தொடர்பில் விசாரணைகள் மேற்கொள்ளப்பட்டு வருகின்றன.