இந்தியாவில் சிக்கியுள்ள இலங்கை IS இளைஞர்கள், புனர்வாழ்வு பட்டியலில் உள்ளவர்கள் ! – கலாநிதி புன்சர அமரசிங்க

இந்தியாவின் அகமதாபாத் விமான நிலையத்தில் கைது செய்யப்பட்ட நான்கு இலங்கை இளைஞர்களும், 2019 ஆம் ஆண்டு முதல் புனர்வாழ்வளிக்கப்பட வேண்டியவர்கள் என அடையாளப்படுத்தப்பட்டோர் பட்டியலில் உள்ளோர் என சேர் ஜோன் கொத்தலாவல பாதுகாப்பு பல்கலைக்கழகத்தின் சர்வதேச சட்டம் தொடர்பான சிரேஷ்ட விரிவுரையாளர் கலாநிதி புன்சர அமரசிங்க தெரிவித்துள்ளார்.

2019 ஆம் ஆண்டு ஈஸ்டர் ஞாயிறு பயங்கரவாத தாக்குதல் தொடர்பாக விசாரணை நடத்த நியமிக்கப்பட்ட நீதிபதி ஜனக் டி சில்வா தலைமையில், ஜனாதிபதி விசாரணை ஆணைக்குழுவினால் மேற்கொள்ளப்பட்ட விசாரணைகளின் போது இந்த இளைஞர்கள் உட்பட 400 இஞைர்கள் , தீவிரவாதிகளாக அடையாளப்படுத்தப் பட்டிருந்ததாக புன்சர அமரசிங்க மேலும் தெரிவித்துள்ளார்.

அந்த, ஆணைக்குழுவினால் அடையாளம் காணப்பட்ட தகவல்களின் அடிப்படையில் வழங்கப்பட்ட பரிந்துரைகள் நாட்டில் உரிய முறையில் நடைமுறைப் படுத்தப்படவில்லை என புன்சர அமரசிங்க குறிப்பிட்டுள்ளார்.

ஈஸ்டர் ஞாயிறு தாக்குதல்களை விசாரிக்க நியமிக்கப்பட்ட ஜனாதிபதி விசாரணைக் குழு, இஸ்லாமிய தீவிரவாதத்திற்கு செல்வாக்கு செலுத்தும் பல அமைப்புகளை தடை செய்ய பரிந்துரை செய்துள்ளது. இந்த அமைப்புகள் தவிர, மதரஸாக்கள் பாடப் புத்தகங்கள் மூலம் தீவிரவாதத்தை வளர்ப்பதாகக் கூறப்பட்டதால், அவற்றைத் தடை செய்யவும் பரிந்துரைக்கப்பட்டது.

ஆனால், 2023ல், அரசு சாரா நிறுவனங்களின் செல்வாக்கு உள்ளிட்ட செயல்பாடுகளால், அந்த நடவடிக்கை தலைகீழாக மாறியது. ஆனால் இந்த தீவிரவாதிகளுக்கு புனர்வாழ்வு வேலைத்திட்டத்தின் அவசியத்தை இந்த சம்பவம் காட்டுவதாக புன்சர அமரசிங்க தெரிவித்துள்ளார்.

அங்கு ஐஎஸ் நெட்வொர்க்கின் இந்திய நடவடிக்கைகள் தொடர்பான நிலவரத்தையும் புன்சர அமரசிங்க விளக்கினார்.

“ஐஎஸ் பயங்கரவாத அமைப்புகளின் செயல்பாடுகளில் இந்தியா சிறப்பு அக்கறை எடுத்து வருகிறது. அதன் புலனாய்வு அமைப்புகள் இந்த தகவலை மிகவும் ஒழுங்கமைக்கப்பட்ட முறையில் பெறுகின்றன. கடந்த 2016ஆம் ஆண்டு இலங்கையின் கலேவெல பகுதியைச் சேர்ந்த இளைஞர் ஒருவரும் அவரது குடும்பத்தினரும் சிரியா சென்று ஐஎஸ் அமைப்பில் சேர்ந்தது தெரியவந்ததையடுத்து, இந்த விவகாரத்தில் தீவிர கவனம் செலுத்தி உளவுத்துறை வலையமைப்பை உருவாக்கி வருகின்றனர்.

இதன்படி,இணையத்தைப் பயன்படுத்தி 2018ஆம் ஆண்டு இலங்கையின் இளைஞர்களை தீவிரமாக்கும் நடவடிக்கையில் அதீல் எக்ஸ் என்ற ஐடி பொறியியலாளர் தீவிரமாக ஈடுபட்டுள்ளதாக இந்திய புலனாய்வு அமைப்புகள் தகவல் வழங்குகின்றன. ஆனால் இந்த நபர் 2019 இல் கைது செய்யப்பட்டார். இதன் மூலம் இலங்கையில் , இந்த விஷயம் எவ்வாறு செயல்படுகிறது என்பதைக் காட்டுகிறது. ”

இந்தியா தனது புலனாய்வு வலையமைப்பை மாநில அளவில் தொடங்குவதன் மூலம் விரிவுபடுத்தி பலப்படுத்தியுள்ளது. சென்ற வாரமும் சரியாகச் செய்தார்கள். இதனால்தான் சமீபகாலமாக தங்கள் நாட்டில் பெரிய அளவில் தீவிரவாத தாக்குதலை நடத்த முடியவில்லை. இலங்கையில் உள்ள ஐஎஸ் வலையமைப்பு, கேரளா மற்றும் தமிழகத்தில் உள்ள வஹாபிஸ்ட் அமைப்புகளுடன் வலுவான வலையமைப்பைக் கொண்டுள்ளது. இதனால்தான் இந்திய உளவு அமைப்புகள் அளிக்கும் தகவல்கள் மிகவும் முக்கியமானவை’’ என்றார்.

எவ்வாறாயினும், தற்போது இந்த சந்தேக நபர்களை இலங்கைக்கு அழைத்து வந்து உரிய சட்ட நடவடிக்கைகளை மேற்கொள்வதற்கு தேவையான நடவடிக்கைகளை இலங்கை மேற்கொள்ள வேண்டும் எனவும் புன்சர அமரசிங்க மேலும் வலியுறுத்தியுள்ளார்.