எரிசக்தி உருவாக்குநர்கள் எதிர்கொள்ளும் சவால்களை அடையாளம் காண பொது ஆலோசனை இன்று.

நாட்டில் புதுப்பிக்கத்தக்க எரிசக்தி உருவாக்குநர்கள் எதிர்கொள்ளும் சவால்களை அடையாளம் காண பொது ஆலோசனை இன்று (02) நடைபெறும் என்று பொதுப் பயன்பாடுகள் ஆணையம் தெரிவித்துள்ளது.

அதன்படி, இன்று காலை 8.00 மணி முதல் மாலை 4.00 மணி வரை பண்டாரநாயக்க மாநாட்டு மண்டபத்தில் பங்குதாரர்களின் கருத்துக்கள் வாய்மொழியாகப் பெற திட்டமிடப்பட்டுள்ளது.

2002 ஆம் ஆண்டு 35 ஆம் இலக்க இலங்கை பொதுப் பயன்பாடுகள் ஆணையச் சட்டத்தின் பிரிவு 17 இன் கீழ் அதற்கு வழங்கப்பட்டுள்ள அதிகாரங்களின்படி இந்த நடவடிக்கை எடுக்கப்பட்டுள்ளதாகக் கூறப்படுகிறது.

இதே நேரத்தில், நாட்டில் புதுப்பிக்கத்தக்க எரிசக்தித் துறை எதிர்கொள்ளும் நெருக்கடி குறித்து பல பங்குதாரர்கள் தங்கள் கருத்துக்களை முன்வைக்க உள்ளதாக சூரிய மின்சக்தி கட்டுமான சங்கத்தின் தலைவர் டாக்டர் ஷியாம் பதிராஜா தெரிவித்தார்.

புதுப்பிக்கத்தக்க எரிசக்தியில் அரசாங்கம் எந்த வெட்டுக்களையும் செய்யவில்லை என்றும் நாடாளுமன்ற உறுப்பினர் ரவீந்திர பண்டார கூறுகிறார்.