பயங்கரவாதச் சட்டமூலத்தை உடனடியாக மீளப்பெறுங்கள்! – பொல்தூவ சந்தியில் ஊடகவியலாளர்கள் போராட்டம்.

பயங்கரவாதத்திலிருந்து அரசைப் பாதுகாக்கும் சட்டமூலத்திற்கு எதிராக இலங்கை உழைக்கும் ஊடகவியலாளர்கள் சங்கமும், சமூக ஊடக வெளிப்பாட்டுக்கான கூட்டமைப்பும் இணைந்து இன்று முற்பகல் பத்தரமுல்ல – பொல்தூவ சந்திக்கு அருகில் எதிர்ப்பார்ப்பாட்டம் ஒன்றை முன்னெடுத்தன.

நாட்டில் சர்ச்சையை ஏற்படுத்தியுள்ள பயங்கரவாதத்திலிருந்து அரசைப் பாதுகாக்கும் சட்டமூலத்தை அரசு உடனடியாக மீளப்பெற வேண்டும் என்று இதன்போது பலத்த குரல் எழுப்பப்பட்டது.

இந்தப் போராட்டத்தில் முன்னாள் நாடாளுமன்ற உறுப்பினரும் ஜனாதிபதி சட்டத்தரணியுமான எம்.ஏ. சுமந்திரன், யுக்திய பத்திரிகையின் முன்னாள் ஆசிரியரும் சிரேஷ்ட ஊடகவியலாளருமான சுனந்த தேசப்பிரிய, இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் உள்ளிட்ட பலரும் கலந்துகொண்டு ஆதரவு தெரிவித்திருந்தமை குறிப்பிடத்தக்கது.