சுவிட்சர்லாந்து : வயதானவர்கள் தடுப்பூசியை எடுக்க வேண்டும் என அரசு வலியுறுத்தல்

சுவிட்சர்லாந்தில் உள்ள அனைத்து வயதானவர்களும் கொரோனா தடுப்பூசியை போட்டுக்கொள்ளும் படி சுவிசின் மருத்துவ கவுன்சில் வலியுறுத்தியுள்ளது.

தொற்றுநோய் மற்றும் அதனுடன் தொடர்புடைய சுகாதார மற்றும் பொருளாதார நெருக்கடியை எதிர்த்துப் போராடுவதற்கு இது ஒரு சிறந்த பங்களிப்பாக இருக்கும் என்று சுவிஸ் கவுன்சில் குறிப்பிட்டுள்ளது.

கடந்த புதன்கிழமை 90 வயதான பெண் ஒருவர் சுவிட்சர்லாந்தில் கொரோனாவுக்கு எதிராக தடுப்பூசி போட்ட முதலாவது நபராக பதிவாகியுள்ளது.

எதிர்வரும் வாரங்களில் (04.01.2021) நாடு முழுவதும் தடுப்பூசி போடும் திட்டம் தொடங்கப்படும் என தெரிவிக்கப்பட்டுள்ளது.

சுவிஸ் மக்கள் கவுன்சில் வெளியிட்டுள்ள அறிக்கையில், கொரோனாவுக்கு எதிராக தடுப்பூசி பிரச்சாரம் தொடங்கப்பட்டதை அறிந்து கவுன்சில் மிகவும் நிம்மதியடைந்தது.

தொற்றுநோயை எதிர்த்துப் போராடுவதற்கான முயற்சிகளில் மத்திய கவுன்சில் மற்றும் மத்திய பொது சுகாதாரத்தை கவுன்சில் ஆதரித்தது.

கொரோனாவால் வயதானவர்கள் மிக மோசமாக பாதிக்கப்பட்டுள்ளனர். சுவிட்சர்லாந்தில் இதுவரை பதிவான 6,500 கொரோனா வைரஸ் இறப்புகளில், கிட்டத்தட்ட முக்கால்வாசி பேர் 80 வயதுக்கு மேற்பட்டவர்களை உள்ளடக்கியுள்ளனர் என சுவிஸ் தகவல்கள் தெரிவிக்கின்றன.

மேலும் Pfizer/BioNTech உருவாக்கிய தடுப்பூசியின் 1,07,000 டோஸ்கள் சுவிஸ் வந்தடைந்துள்ளன என அரசு அறிவித்துள்ளது.

Pfizer/BioNTech தடுப்பூசிக்கு கடந்த சனிக்கிழமையன்று சுவிஸ்மெடிக் ஒப்புதல் அளித்தது.

சுவிஸ் 3 மில்லியன் Pfizer/BioNTech தடுப்பூசி டோஸ்கள் பெற ஒப்பந்தம் செய்துள்ள நிலையில் முதற்கட்டமாக 1,07,000 டோஸ்கள் வந்தடைந்துள்ளன.

மேலும் 2,50,000 டோஸ்களை ஜனவரி மாதத்தில் இரண்டு கட்டமாக பெற சுவிஸ் திட்டமிடப்பட்டுள்ளது.

107,000 டோஸ் Pfizer/BioNTech தடுப்பூசி பாதுகாப்பாக வழங்கப்பட்டிருப்பதை சுவிஸ் இராணுவ செய்தித் தொடர்பாளர் உறுதிப்படுத்தினார், மேலும் அவை பரிசோதிக்கப்பட்டு நாடு முழுவதும் அனுப்ப தயாராக உள்ளதாக தெரிவித்தார்.