லோகேஷ் கனகராஜ் விக்ரம் படத்திற்கு முன் பிரபல நடிகரின் படத்தை இயக்கவுள்ளார்.

கமலின் ‘விக்ரம்’ படத்தை இயக்குவதாக இருந்த லோகேஷ் கனகராஜ், அதற்கு முன் பிரபல நடிகரின் படத்தை இயக்க திட்டமிட்டுள்ளாராம்.

மாநகரம், கைதி, மாஸ்டர் என ஹாட்ரிக் ஹிட் படங்களை கொடுத்து தமிழ் சினிமாவின் தவிர்க்க முடியாத இயக்குனர்கள் பட்டியலில் இடம்பிடித்துள்ளார் லோகேஷ் கனகராஜ். இவர் அடுத்ததாக இயக்கும் படம் விக்ரம். கமல் நடிப்பில் உருவாக உள்ள இப்படம் குறித்த அறிவிப்பு கடந்தாண்டு நவம்பர் மாதமே வெளியானது.

இருப்பினும் சட்டமன்ற தேர்தலுக்கான பணிகளில் கமல் ஈடுபட்டுள்ளதால் ஷூட்டிங் இன்னும் தொடங்கப்படவில்லை. தேர்தலுக்கு பின்னரே விக்ரம் படத்தின் படப்பிடிப்பு தொடங்கும் என எதிர்பார்க்கப்படுகிறது.

இந்நிலையில், விக்ரம் படத்துக்கு முன்னதாக லோகேஷ் கனகராஜ் விஜய் சேதுபதியை வைத்து புதிய படம் ஒன்றை இயக்க திட்டமிட்டுள்ளாராம். இப்படம், குறைந்த பட்ஜெட்டில் உருவாக உள்ளதாகவும், ஒரே கட்டத்தில் படப்பிடிப்பை நடத்தி முடிக்க திட்டமிட்டுள்ளதாகவும் கூறப்படுகிறது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது.