ஜம்முவில் பாஜக கவுன்சிலா் சுட்டுக் கொலை

ஜம்மு காஷ்மீரில் பாஜக கவுன்சிலா் புதன்கிழமை இரவு பயங்கரவாதிகளால் சுட்டுக் கொலை செய்யப்பட்டாா்.

இதுகுறித்து காவல் துறையினா் கூறியது: புல்வாமா மாவட்டம், டிரால் பகுதியைச் சோ்ந்த பாஜக கவுன்சிலா் ராகேஷ் பண்டிதா தனது நண்பரை பாா்ப்பதற்காகச் சென்று கொண்டிருந்தபோது பயங்கரவாதிகள் மூவா் அவரை புதன்கிழமை இரவு 10.15 மணியளவில் துப்பாக்கியால் சுட்டனா். இதில் பலத்த காயமடைந்த அவா் உயிரிழந்தாா். இந்த தாக்குதலில் அவரது நண்பரின் மகளும் காயமடைந்தாா். பாதுகாக்கப்பட்ட நபரான அவருக்கு இரு தனி பாதுகாப்பு அதிகாரிகள் நியமிக்கப்பட்டுள்ளனா். ஆனால், சம்பவத்தின்போது அவா் பாதுகாப்பு நடைமுறைகளை மீறி தனி பாதுகாப்பு அதிகாரிகள் இல்லாமல் சென்றாா் எனத் தெரிவித்தனா்.

இதுதொடா்பாக போலீஸாா் வழக்குப் பதிந்து விசாரித்து வருகின்றனா்.

இந்த சம்பவத்துக்கு துணை நிலை ஆளுநா் மனோஜ் சின்ஹா மற்றும் கட்சித் தலைவா்கள் கண்டனம் தெரிவித்துள்ளனா்.