சீனத் தூதுவருக்கு வடக்கில் ஏன் இந்த அக்கறை?
இந்தியாவுக்கும் சீனாவுக்கும் இடையில் இராஜதந்திர அதிகாரப் போட்டி தொடர்ந்தும் இடம்பெற்று வருவதாக கொழும்பிற்கான சீனத் தூதுவர் தெரிவித்துள்ளார். சென்ஹாங் தற்போது இலங்கையின் வடபகுதியில் சுற்றுப்பயணம் மேற்கொண்டுள்ளார்.
வடக்குத் தீவுகளில் சீன மின் திட்டங்கள் நிறுத்தப்பட்டதைத் தொடர்ந்து, தீவுகளில் சூரிய மற்றும் காற்றாலை மின் திட்டங்களை இந்தியாவிடம் ஒப்படைக்கும் திட்டம் தொடர்பான பேச்சு வார்த்தைகள் நடந்து வரும் நிலையில் அவரது விஜயம் வந்துள்ளது.
வட மாகாணத்திற்கான மூன்று நாள் விஜயத்தின் இறுதி நாளான டிசம்பர் 17 , மன்னாரில் உள்ள ஆடம்ஸ் பாலம் கடற்கரையில் உள்ள தீவுகளை சென்ஹாங் பார்வையிட்டார்.
வடக்கு மக்களுக்கு பல நிவாரணங்கள்…
கொழும்புக்கான சீனத் தூதுவர் சென்ஹாங் தனது முதல் வட மாகாண விஜயத்தை யாழ்ப்பாண பொது நூலகத்தில் இருந்து ஆரம்பித்தார்.
அவரது அரிய வருகையின் போது, ஆசியாவில் உள்ள புகழ்பெற்ற நூலகத்தின் திறனை அதிகரிக்கவும் சேகரிப்பை அதிகரிக்கவும் மடிக்கணினிகள் மற்றும் புத்தகங்களையும் வழங்கினார்.
சென்ஹாங் வட மாகாண ஆளுநர் ஜீவன் தியாகராஜாவையும் சந்தித்துப் பேச்சு நடத்தினார்.
தமிழ் சமூகத்தின் வாழ்வாதாரத்தையும் பரஸ்பர ஒத்துழைப்பையும் மேம்படுத்துவது குறித்து வடமாகாண ஆளுநருடன் கலந்துரையாடியதாக கொழும்பில் உள்ள சீனத் தூதரகம் தெரிவித்துள்ளது.
வட மாகாணத்தில் உள்ள ஐந்து மாவட்டங்களுக்கு சீனாவில் இருந்து ஐந்து ROI நடமாடும் நீர் சுத்திகரிப்பு நிலையங்கள் நன்கொடையாக வழங்கப்பட்டது , சீன தூதுவரின் வட மாகாண விஜயத்தின் மற்றுமொரு முக்கிய படியாகும்.
யாழ்ப்பாணத்தில் உள்ள மீனவர்களுக்கு வலைகள் மற்றும் உலர் உணவுப் பொருட்களை விநியோகிக்கும் நடவடிக்கையில் சீனத் தூதுவரும் இணைந்துகொண்டார்.
சீன தூதுவரின் வடக்கிற்கான விஜயத்தை முன்னிட்டு பாதுகாப்பும் பலப்படுத்தப்பட்டிருந்தது.
நல்லூர் கோவில் பூஜையும்…
சென் ஹாங் யாழ்ப்பாணத்தில் உள்ள வரலாற்று சிறப்புமிக்க நல்லூர் கந்தசுவாமி கோவிலுக்கு இந்து சமய மற்றும் கலாசார பாரம்பரியங்களுக்கு முழு மரியாதை செலுத்தினார்.
வரலாற்றில் முதல் தடவையாக சீன தூதுவர் வேட்டி அணிந்து நல்லூர் கோவிலுக்கு வந்தார்.
தூதர் கோயிலுக்கு நன்கொடை அளித்து, அவர் வந்த பிறகு வெளியில் இருப்பவர்களுடன் பிரசாதத்தைப் பகிர்ந்து கொண்டார்.
யாழ்ப்பாணம் அரியாலையில் உள்ள கடல் தொழுநோய் இனப்பெருக்க மையத்தையும் செங்கோங் பார்வையிட்டதுடன், கடற்றொழில் அமைச்சர் டக்ளஸ் தேவானந்தாவும் கலந்துகொண்டார்.
இந்த விஜயத்தின் போது சீன தூதுவர் இவ்வாறு தெரிவித்தார். “இலங்கையும் சீனாவும் இணைந்து எதிர்காலத்தை பிரகாசமாக்குவதற்கு ஒன்றிணைந்து செயற்பட முடியும் என்று நான் நினைக்கிறேன். இது ஆரம்பம்தான். என சீன தூதர் கூறினார்.
சீனத் தூதுவரின் வடக்கிற்கான விஜயம் தொடர்பில் சமூக ஊடகப் பதில்
சென்ஹோங்கின் வடபகுதி விஜயம் குறித்து சமூக ஊடகங்களில் கலவையான எதிர்வினைகள் வெளியாகியுள்ளன.
“இந்தியர்களின் நடத்தையிலிருந்து முற்றிலும் மாறுபட்ட சீன மக்களின் நடத்தையை குறைந்தபட்சம் தமிழ்ச் சமூகமாவது புரிந்து கொள்ள முடியும்” என்றும் சிலர் இது ஒரு நல்ல நடவடிக்கை என்று வர்ணித்தனர்.
மற்றொரு பயனர் கேட்டார், நீங்கள் வடக்கில் சொத்துக்களை தேடுகிறீர்களா? என்று …
மூன்றாம் தரப்பு ‘பாதுகாப்பு கவலைகள்’ காரணமாக . மூன்று வடக்கு தீவுகளில் சீன மின் திட்டங்கள் நிறுத்தப்பட்டன
கொழும்பில் உள்ள சீனத் தூதரகம் அண்மையில் இலங்கையின் டெல்ஃப்ட், நயனாதீவு மற்றும் அனலைத்தீவு ஆகியவற்றின் சீன கலப்பின மின் திட்டங்களை நிறுத்துவதாக அறிவித்தது.
மூன்றாம் தரப்பினரின் ‘பாதுகாப்புக் கவலைகள்’ காரணமாக இந்த நடவடிக்கை எடுக்கப்பட்டுள்ளதாக கொழும்பில் உள்ள சீனத் தூதரகம் டுவிட்டர் செய்தியில் தெரிவித்துள்ளது.
நிதியமைச்சர் பசில் ராஜபக்ஷ இந்தியாவிற்கு உத்தியோகபூர்வ விஜயத்தை மேற்கொண்டிருந்த போதே சீன தூதரகம் இந்த அறிவிப்பை வெளியிட்டிருந்தது.
சினோ சோர் ஹைப்ரிட் டெக்னாலஜி என்ற சீன நிறுவனம், இலங்கையின் வடக்குப் பகுதியில் உள்ள மூன்று தீவுகளில் ஹைபிரிட் மின் அமைப்புகளை நிர்மாணிக்கும் பணி இடைநிறுத்தப்பட்டதைத் தொடர்ந்து, 12 சூரிய மின் உற்பத்தி நிலையங்களை அமைப்பதற்கான ஒப்பந்தத்தில் நவம்பர் 29 அன்று மாலைதீவு அரசாங்கத்துடன் கையெழுத்திட்டுள்ளது.
இலங்கையின் வடக்குத் தீவுகளில் முன்மொழியப்பட்ட சீன மின் திட்டங்கள் இடைநிறுத்தப்பட்டதைத் தொடர்ந்து 12 சூரிய மின் உற்பத்தி நிலையங்களை அமைப்பதற்கான ஒப்பந்தத்தில் மாலைதீவு அரசாங்கத்துடன் கையெழுத்திட்டுள்ளதாக கொழும்பில் உள்ள சீனத் தூதரகம் நவம்பர் 29 அன்று தெரிவித்தது.
பாதுகாப்பு தொடர்பாக மூன்றாம் தரப்பினரால் எழுப்பப்பட்ட விஷயங்கள்.
டெல்ஃப்ட், நாகதீபம் மற்றும் அனலைதீவுகளில் 2021 ஆம் ஆண்டின் தொடக்கத்தில் புதுப்பிக்கத்தக்க ஆற்றல் மின் நிலையங்களை நிர்மாணிப்பதற்கான டெண்டரை சீன நிறுவனத்திற்கு இலங்கை வழங்கியதற்கு , இந்தியா கடும் எதிர்ப்பு தெரிவித்திருந்தது.
ஜனவரி 2021 இல், இலங்கையின் யாழ்ப்பாணக் கடற்கரையில் உள்ள மூன்று தீவுகளில் கலப்பின புதுப்பிக்கத்தக்க எரிசக்தி அமைப்புகளை நிறுவுவதற்கான ஒப்பந்தம் சீனாவுக்கு வழங்கப்பட்டது.
இந்த ஒப்பந்தம் இலங்கை மின்சார சபையால் (CEB) செயல்படுத்தப்பட்டு ஆசிய அபிவிருத்தி வங்கியால் (ADB) நிதியளிக்கப்பட்ட துணை மின் விநியோக மேம்பாட்டுத் திட்டத்தின் ஒரு பகுதியாகும்.
யாழ்ப்பாண தீபகற்பத்தில் உள்ள நயினாதீவு , டெல்ஃப் மற்றும் அனலை தீவுகளில் கலப்பின புதுப்பிக்கத்தக்க எரிசக்தி அமைப்புகள் நிறுவப்படவிருந்தன.
இந்திய உயர்ஸ்தானிகர் கொழும்பில் வெளிவிவகார அமைச்சரை சந்தித்தார்…
கொழும்பில் உள்ள இந்திய உயர்ஸ்தானிகர் கோபால் பாக்லே வெளிவிவகார அமைச்சர் பேராசிரியர் ஜி.எல் பீரிஸை டிசம்பர் 16 சந்தித்தார்.
சீனத் தூதுவரின் வடக்கிற்கான விஜயத்தின் போதே இந்திய உயர்ஸ்தானிகருக்கும் வெளிவிவகார அமைச்சருக்கும் இடையிலான சந்திப்பு இடம்பெற்றுள்ளது.
இந்த சந்திப்பின் போது இரு நாடுகளுக்கும் இடையிலான இருதரப்பு உறவுகளின் முன்னேற்றம் குறித்து கலந்துரையாடப்பட்டதாக வெளிவிவகார அமைச்சு தெரிவித்துள்ளது.
வெளிவிவகார அமைச்சின் படி, இரு தரப்புக்கும் இடையிலான பரஸ்பர ஒத்துழைப்புத் துறைகள் மற்றும் நிதியமைச்சர் பசில் ராஜபக்ஷவின் சமீபத்திய இந்திய விஜயம் தொடர்பான பல விடயங்கள் குறித்தும் கலந்துரையாடப்பட்டதாகத் தெரிவிக்கப்படுகிறது.
நாட்டின் அந்நிய செலாவணி நெருக்கடியால் இலங்கை தற்போது பொருளாதார நெருக்கடியை எதிர்நோக்கியுள்ளது. இந்த அந்நியச் செலாவணி நெருக்கடியை சமாளிக்க அரசாங்கம் தற்போது பல்வேறு நடவடிக்கைகளை மேற்கொண்டு வருவதுடன், இதற்கிடையில் இருதரப்பு உறவுகளின் மூலம் கடன்களை பெற்றுக்கொள்வதிலும் அரசாங்கம் கவனம் செலுத்தி வருகின்றது.
இலங்கை எதிர்பார்த்தபடி இலங்கைக்கு கடனோ அல்லது உதவியோ சீனாவிடமிருந்து கிடைக்காத சூழலில் , இந்தியாவிடமிருந்து பொருளாதார நிவாரணப் பொதியை தற்போது எதிர்பார்த்து வருவதாக அரசாங்கத் தகவல்கள் தெரிவிக்கின்றன.
இலங்கையில் இந்திய மற்றும் சீன அதிகாரத்தை ஸ்தாபிப்பதற்கான இராஜதந்திரப் போராட்டம் குறித்து கருத்து தெரிவித்த கொழும்பு பல்கலைக்கழகத்தின் சர்வதேச உறவுகள் திணைக்களத்தின் சிரேஷ்ட விரிவுரையாளர் கலாநிதி ஹசித் கந்தவுடஹேவா, சீனா தற்போது இலங்கையில் பின்தங்கிய நிலைக்கு தள்ளப்பட்டுள்ள நிலையில் உள்ளது. அந்த நிலையை மாற்றியமைக்கும் நடவடிக்கையில் சீனா மீண்டும் ஈடுபட்டுள்ளதாக தெரிவித்தார்.
இலங்கையின் வடக்கில் தனது திட்டங்களை அபிவிருத்தி செய்வதன் மூலம் சீனா அங்கிருக்கும் அடையாளமானது, இந்தியாவிற்கு பாதுகாப்பு அச்சுறுத்தலாக அமையலாம் என கலாநிதி ஹசித் கந்த உடஹேவா மேலும் தெரிவித்துள்ளார்.
ஒரு கலாச்சார பணியில்…..
சீனத் தூதுவர் கலாசாரப் பணியில் ஈடுபட்டுள்ளதாக தெரிவித்த மூத்த விரிவுரையாளர் ,
“இலங்கையில் அபிவிருத்தித் திட்டங்களுக்காக சீனா நிறையப் பணத்தைச் செலவிட்டுள்ளது. ஆனால் வடக்கின் அபிவிருத்தித் திட்டங்களுக்கு சீனா அதுபோல அதிகம் செலவிடவில்லை.
வடக்கின் அபிவிருத்திக்கு சீனா செலவு செய்தால் , இந்தியா பக்கம் இருக்கும் ஈர்ப்பை , தன்வசமாக்கிக் கொள்வதனூடாக வடக்கின் அரசியலை தமக்கு சாதகமாக பயன்படுத்த முடியும் என சீனா நினைப்பதாக தோன்றுகிறது.”
“தற்போது, அதானியின் கீழ் மூன்று மின் திட்டங்கள் , வடக்கில் தொடங்கப்பட உள்ளன. குறிப்பாக வடக்கில் உள்ள திட்டங்களில் இந்தியா அதிக கவனம் செலுத்துகிறது. இவை முதலில் சீனாவுக்கே கொடுக்கப்பட்டிருந்தது.
இந்தியாவின் கடும் எதிர்ப்பால், இலங்கை அதை இந்தியாவிடம் ஒப்படைக்க வேண்டியதாயிற்று. இது சினாவுக்கு இலங்கையில் ஒரு பின்னடைவுதான்.
“சீனத் தூதுவர் வடக்கு மற்றும் கிழக்கில் உள்ள புனிதத் தலங்களுக்குச் சென்று கலாசாரப் பணிகள் மூலம் வடக்கிலும் திட்டங்களைச் செய்ய விரும்புகிறோம் என்பதைக் காட்டப் முயல்கிறார்.
சீன தூதர் , வடக்குடன் கொருளாதார உறவை விருத்தி செய்ய விரும்புகிறோம் என்று ஒரு செய்தியைக் கொண்டு செல்ல முயல்வதனூடாக , சீனாவிற்கு, இலங்கையில் ஏற்பட்டுள்ள தற்போதைய பின்னடைவை மீட்கும் ஒரு வழியாக்கிக் கொள்ள முயல்கிறார்.”
“வழக்கமாக வடக்கு, கிழக்குக்கு , இந்தியாவுக்குடனும் , தென்னிந்தியாவுடனும் நெருங்கிய அரசியல் தொடர்பு உள்ளன. தென்னிந்திய அரசியலுடனும் மிக நெருங்கிய தொடர்பு உள்ளது.
கடந்த வாரம் இந்தியா , தமிழ் தேசியக் கூட்டமைப்பின் தலைவர் இரா. சம்பந்தன் அவர்களை டெல்லிக்கு வருமாறு அழைப்போன்றை விடுத்திருந்தது.
இந்தியா , பொதுவாக இலங்கை அரசோடு இணைந்தே செயல்படுகிறது. தற்போதைய நிலையில் இந்தியா , வடக்கின் அரசியல் தரப்புகளோடும் நெருக்கமாக செயல்பட முயன்று வருகிறது. இந்த உறவுகள் மூலம் வடக்கிலிருந்து , இலங்கை அரசுக்கு பலமான அழுத்தத்தை கொடுக்கலாம் என இந்தியாவும் நினைக்கிறது.” என்றார் கலாநிதி ஹசித் கந்த உடஹேவா.
– பீபீசி சிங்கள கட்டுரையிலிருந்து
தமிழில் : ஜீவன்