திருகோணமலையில் உக்கிரமடையும் ஆர்ப்பாட்டங்கள்.

திருகோணமலையில் நேற்று மாலையிலிருந்து பொதுமக்கள் வீதியை மறித்து, டயர்களை எரித்து அரசாங்கத்திற்கெதிரான எதிர்ப்பு ஆர்ப்பாட்டங்களில் ஈடுபட்டு வருகின்றனர் எனத் தெரிவிக்கப்படுகின்றது.

இந்த போராட்டம் இன்றும் (20) தொடர்வதாக அறிவிக்கப்படுகின்றது.

இதன் காரணமாக திருகோணமலை – கண்டி பிரதான வீதியான அபயபுர சுற்று வளைவு சந்தியில் மூன்று பக்கமாகவும் ஆர்ப்பாட்டகாரர்களால் வீதித் தடை போடப்பட்டு மறிக்கப்பட்டுள்ளன.

திருகோணமலை – கண்டி பிரதான வீதியில் பஸ் ஒன்றினை வீதிக்கு குறுக்கே நிறுத்தி உப்புவெளி பகுதிக்குச் செல்லும் வீதியும் மறிக்கப்பட்டுள்ளது.

கடைகள் , மற்றும் மத்திய மீன் சந்தை மூடப்பட்டுள்ளதாகவும் தெரிவித்துள்ளனர். அத்தோடு திருகோணமலை மணிக்கூட்டு கோபுரச் சந்தியில் பொதுமக்கள் ஆர்ப்பாட்டங்களிலும் ஈடுபட்டு வருவதாகவும் கூறப்படுகிறது.

மேலும் திருகோணமலை நகரிலுள்ள அரச அலுவலகங்களுக்கு இன்று காலை, தொழில் நிமிர்த்தம் சென்ற பலரும் திருப்பி அனுப்பப்பட்டனர் என்றும் தெரிவிக்கப்படுகின்றது.

தொடர்ந்தும் திருகோணமலையில் வீதித்தடைகள் போடப்பட்டு ஆர்ப்பாட்கள் முன்னெடுக்கப்பட்டு வருவதாகவும் அறிவிக்கப்படுகிறது.