நீதிபதி முன்னிலையில் காதலியின் கன்னத்தில் அறைந்த காதலனுக்கு 14 நாட்கள் ரிமாண்ட்!

யாழ்ப்பாணம் மல்லாகம் நீதிமன்றில் காதலன் காதலியை மூன்று முறை அறைந்த சம்பவம் காரணமாக இளைஞனை பதினான்கு நாட்கள் விளக்கமறியலில் வைக்குமாறு மல்லாகம் நீதவான் நேற்று (17) உத்தரவிட்டுள்ளார்.

யாழ்ப்பாணம் ஆவரங்கால் பகுதியில் உள்ள இளைஞன் ஒருவன் தனது வீட்டிற்கு அருகில் உள்ள வீடொன்றில் உள்ள யுவதி ஒருவருடன் சில காலமாக காதல் உறவில் ஈடுபட்டிருந்த நிலையில் குறித்த இளைஞனின் அநாகரீகமான நடத்தையினால் குறித்த யுவதி ஒரு மாதத்திற்கு முன்னர் அந்த உறவை நிறுத்தியுள்ளார்.

ஆனால் குறிப்பிட்ட இளம்பெண் அந்த இளைஞனால் அடிக்கடி துன்புறுத்தப்பட்டு, வற்புறுத்தப்பட்டு வந்தமையால், இது குறித்து காவல் நிலையத்தில் புகார் அளித்துள்ளார்.

முறைப்பாட்டினை அச்சுவேலி பொலிஸார் விசாரணை செய்து கண்டித்த போதும் யுவதியின் மேல் நடத்தும் துஷ்பிரயோகம் குறையாததால் பொலிஸார் இளைஞனுக்கு எதிராக மல்லாகம் நீதிமன்றத்தில் வழக்குத் தாக்கல் செய்தனர்.

வழக்கு விசாரணைக்கு வந்தபோது, நீதிமன்றத்தின் முன் யுவதி கூறியதைக் கண்டு கடும் கோபமடைந்த இளைஞன், திடீரென யுவதியை நோக்கி ஓடிச் சென்று , மாஜிஸ்திரேட் முன்பாக நீதிமன்றத்தில் மூன்று முறை அறைந்துள்ளார். அதன் பின் இளைஞனை 14 நாட்கள் விளக்கமறியலில் வைக்குமாறு மல்லாகம் நீதவான் நேற்று (17) உத்தரவிட்டுள்ளார்.