நீருக்கு அடியில் செல்லும் இந்தியாவின் முதல் மெட்ரோ ரயில் சேவை இன்று தொடக்கம் – எங்கு தெரியுமா?

By தமிழினி On Mar 6, 2024

இந்தியாவில் முதன்முறையாக, கொல்கத்தாவில் நீருக்கு அடியில் செல்லும் மெட்ரோ ரயில் சேவையை பிரதமர் மோடி இன்று தொடங்கி வைக்கிறார்.

மேற்குவங்க மாநிலம் கொல்கத்தாவில், ஹூக்ளி நதியின் கிழக்கு மற்றும் மேற்கு கரையை இணைக்கும் வகையில் நீருக்கு அடியில் மெட்ரோ கட்டுமான பணி நடைபெற்றது.

கடந்தாண்டு ஏப்ரல் மாதம், நீருக்கு அடியில் மெட்ரோ ரயிலை இயக்குவதற்கான சோதனை ஓட்டமும் வெற்றிகரமாக அமைந்தது.
பின்னர், சுமார் 5 கிலோ மீட்டர் தூரத்திற்கு நீருக்கு அடியில் ஹவுரா மெய்டன் மற்றும் எஸ்பிளனேட் இடையிலான ரயல்வழித்தடமும் திட்டமிட்டப்படி அமைக்கப்பட்டது.

இந்நிலையில், இந்தியாவின் நீருக்கு அடியில் செல்லும் முதல் மெட்ரோ ரயில் சேவையை பிரதமர் மோடி இன்று தொடங்கி வைக்கிறார். நீர் மட்டத்தில் இருந்து சுமார் 16 அடி ஆழத்தில் மெட்ரோ ரயில் தடம் அமைக்கப்பட்டுள்ளதாக கொல்கத்தா மெட்ரோ ரயில்வே மேலாளர் உதய்குமார் ரெட்டி தெரிவித்துள்ளார்.

நீருக்கு அடியில் செல்லும் மெட்ரோ ரயிலில் நாள்தோறும் சுமார் 7 லட்சம் பேர் பயணிப்பார்கள் என்று மெட்ரோ நிர்வாகம் எதிர்பார்த்துள்ளது.