ஹீரோவாகும் ‘குக் வித் கோமாளி’ நடிகர் புகழ்.

விஜய் டிவியில் பிரபலமான பலர் இன்று சினிமாவில் சாதித்து வருகின்றனர். அதில் ஒரு சிலர் ஹீரோக்களாக உயர்ந்துள்ளனர்.

சந்தானம், சிவகார்த்திகேயன், யோகிபாபு ஆகியோர் நாயகர்களாக உயர்ந்துள்ளனர்.

ரோபோ சங்கர், ஜெகன், லொள்ளு சபா மனோகர், சுவாமிநாதன் உள்ளிட்டோர் காமெடியில் கலக்கி வருகின்றனர்.

இந்த நிலையில் ‘மிஸ்டர் ஜு கீப்பர்’ படத்தின் மூலம் நாயகனாக நடிக்கப் போகிறார் புகழ்.

இவர் குக் வித் கோமாளி மூலம் பிரபலமானவர். ஒரு சில படங்களில் காமெடியனாகவும் நடித்தார். ஆனால் அந்த படங்களில் இவருக்கு பெயர் கிடைக்கவில்லை என்பது குறிப்பிடத்தக்கது.

‘மிஸ்டர் ஜு கீப்பர்’ படத்தின் முதல் பார்வை இன்றைய ‘குக் வித் கோமாளி’ நிகழ்ச்சியில் வெளியாகிறது.
இந்த படத்தை சுரேஷ் என்பவர் இயக்குகிறார். இவர் மாதவன், சினேகா நடித்த ‘என்னவளே’ படத்தை இயக்கியவர். யுவன்ஷங்கர் ராஜா இசையமைக்க உள்ளார்.