සීක් නායකයාගේ ඝාතනය සම්බන්ධයෙන් අමෙරිකානු තානාපතිවරයා නව තොරතුරු හෙළිකරයි

කැනේඩියානු සීක් නායක හර්දීප් සිං නිජ්ජාර් ඝාතනයේ නව තොරතුරු අනාවරණය වී තිබේ.

එම පුවත පදනම් කරගනිමින් නිජ්ජාර් ඝාතනයට ඉන්දියාව සම්බන්ධ විය හැකි බවට කැනේඩියානු අගමැතිවරයා චෝදනා කර ඇති බව කැනඩාවේ ඇමෙරිකානු තානාපති ඩේවිඩ් කොහෙන් තහවුරු කර තිබේ.

“Five Eyes” (The Five Eyes (FVEY) is an intelligence alliance comprising Australia, Canada, New Zealand, the United Kingdom, and the United States.) දත්ත හුවමාරු සන්ධානයට ඕස්ට්‍රේලියාව, කැනඩාව, නවසීලන්තය, බ්‍රිතාන්‍යය සහ එක්සත් ජනපදය ඇතුළත් වේ. මෙම සන්ධානය දත්ත හුවමාරු කර ගත් බව පැවසේ.

කැනේඩියානු අගමැති ටෘඩෝ මහතා පැවසුවේ කැනඩාව සති කිහිපයකට පෙර ඉන්දියාව සමඟ සාක්ෂි බෙදා ගත් බවයි.

සත්‍යය තහවුරු කිරීම සඳහා ඔටාවා සමඟ සහයෝගයෙන් කටයුතු කරන ලෙස ඔහු නවදිල්ලියෙන් ඉල්ලා සිටියේය.

කෙසේ වෙතත්, ඉන්දියාව පවසන්නේ කැනඩාවෙන් කිසිදු තොරතුරක් ලැබී නොමැති බවයි.

ඉන්දියාවේ ජාතික බුද්ධි සේවය විසින් පන්ජාබ් හි නිජ්ජාර්ගේ දේපළ අත්පත් කර ගෙන ඇති බව වාර්තා වේ.

නිජ්ජාර්ගේ සමීපතම මිතුරෙකු වූ ගුර්පට්වන්ත් සිං පන්නන්ගේ දේපළ ද රාජසන්තක විය.