மகிந்த – கோட்டா, கனடாவில் காலடி வைப்பதற்கு தடை

இலங்கையின் முன்னாள் ஜனாதிபதிகளாக இருந்த மகிந்த ராஜபக்ச மற்றும் கோட்டாபாய ராஜபக்ச ஆகியோருக்கு கனடாவுக்குள் பிரவேசிப்பதற்கு , கனேடிய அரசாங்கம் கடுமையான தடைகளை விதித்துள்ளது.

கனடாவிற்குள் நுழைவது மட்டுமின்றி, கனடாவில் எந்த வியாபாரமும் செய்யக்கூடாது, கனடாவில் அவர்கள் வைத்திருக்கும் அனைத்து சொத்துக்களும் தடைசெய்யப்பட்டே இந்தத் தடைகள் விதிக்கப்பட்டுள்ளதாக கனடாவின் வெளியுறவு அமைச்சகம் அறிவித்துள்ளது.

இவ்விடயம் தொடர்பில் இரண்டு முன்னாள் ஜனாதிபதிகளோ அல்லது இலங்கை அரசாங்கமோ கனேடிய அரசாங்கத்திற்கு உடனடியான பதிலை இதுவரை வழங்கவில்லை.

கனடாவின் வெளிவிவகார அமைச்சர் மெலனி ஜோலி தனது டுவிட்டர் பதிவில், “மொத்த மற்றும் முறையான மனித உரிமை மீறல்களுக்கு காரணமான 4 இலங்கை அரசாங்க அதிகாரிகளுக்கு எதிராக கனடா தடைகளை விதித்துள்ளது.

“இந்தத் தடைகள் ஒரு தெளிவான செய்தியை தெரிவித்துள்ளது . இலங்கையில் மனித உரிமை மீறல்களுக்கு எதிராக கனடா தொடர்ந்து எதிர்ப்பதை தெரிவித்து வந்தது”

“1983 முதல் 2009 வரை இலங்கையில் நடந்த உள்நாட்டு மோதலின் போது மனித உரிமைகளை மீறிய கீழ்க்கண்ட நபர்களுக்கு எதிராக கனடா தடைகளை விதித்து வருகிறது”

முன்னாள் ஜனாதிபதி கோட்டாபய ராஜபக்ச
முன்னாள் ஜனாதிபதி மஹிந்த ராஜபக்ஷ
பணியாளர் சார்ஜன்ட் சுனில் ரத்நாயக்க (இலங்கை இராணுவம்)
லெப்டினன்ட் கமாண்டர் சந்தன பிரசாத் ஹெட்டியாராச்சி (இலங்கை கடற்படை)
ஆகியோர் குறித்தே கனடா வெளியுறவு அமைச்சகம் அறிவித்துள்ளது.

🇨🇦 has imposed sanctions against 4 Sri Lankan state officials responsible for gross and systematic violations of human rights.

These sanctions send a clear message: Canada will not accept continued impunity for those that have committed human rights violations in Sri Lanka. pic.twitter.com/cWYqxH4P7C

— Mélanie Joly (@melaniejoly) January 10, 2023