இன்று (10) முதல் பல பொருட்களை இறக்குமதி செய்ய தடை.

பிளாஸ்டிக் தொடர்பான பல வகையான பொருட்களை இறக்குமதி செய்வதை தடை செய்வதற்கான வர்த்தமானி அறிவித்தல் இன்று (10) வெளியிடப்படவுள்ளதுடன், அதற்கான வர்த்தமானி அறிவித்தல் தற்போது அரசாங்க அச்சக திணைக்களத்திற்கு அனுப்பி வைக்கப்பட்டுள்ளதாக மத்திய சுற்றாடல் அதிகாரசபை தெரிவித்துள்ளது. .

நாணய, பொருளாதார ஸ்திரப்படுத்தல் மற்றும் தேசிய கொள்கை அமைச்சு, அச்சகத் திணைக்களத்திற்கு வர்த்தமானி அறிவித்தலை அனுப்பி வைத்துள்ளதுடன், வர்த்தமானி அறிவித்தல் வெளியிடப்பட்ட பின்னர், பல வகையான பிளாஸ்டிக் தொடர்பான பொருட்களின் இறக்குமதிக்கான தடை ஜூன் 1 ஆம் திகதி முதல் நடைமுறைக்கு வரும்.

அதன்படி

பிளாஸ்டிக் குழாய்கள் மற்றும் பாகங்கள், பிளாஸ்டிக் மேஜைப் பாத்திரங்கள், சமையலறை பாத்திரங்கள், பிளாஸ்டிக் சானிட்டரி கழிவறை பாகங்கள், ஒருமுறை பயன்படுத்தும் கோப்பைகள், பிளாஸ்டிக் ஸ்பூன்கள், ஃபோர்க்ஸ், கத்திகள், பிளாஸ்டிக் பானைகள், செயற்கை பூக்கள், இலைகள் மற்றும் பழங்கள் போன்றவற்றை இறக்குமதி செய்வது தடைசெய்யப்பட்டுள்ளது.