3 வாகனங்கள் மோதி விபத்து! ஏழு பேர் வைத்தியசாலையில்!!

சிலாபம் – கொழும்பு பிரதான வீதியில் இடம்பெற்ற வாகன விபத்தில் 7 பேர் காயமடைந்துள்ளனர்.

சிலாபம் – கொழும்பு பிரதான வீதியிலுள்ள இனிகொடவெல ரயில் கடவைக்கு அருகாமையில் இன்று புதன்கிழமை அதிகாலை 6.25 மணியளவில் சீமெந்து ஏற்றிய வாகனம், ஹயஸ் வான் மற்றும் பெற்றோல் ஏற்றும் வாகனம் ஆகிய மூன்று வாகனங்கள் மோதி விபத்துக்குள்ளாகியுள்ளன.

இதன்போது ஹயஸ் வாகனம் பாரிய சேதமடைந்துள்ளது.

விபத்தில் காயமடைந்த 7 பேரும் சிலாபம் பொது வைத்தியசாலையில் சிகிச்சைக்காக அனுமதிக்கப்பட்டுள்ளனர்.

இந்த விபத்து தொடர்பில் சிலாபம் பொலிஸார் மேலதிக விசாரணைகளை மேற்கொண்டு வருகின்றனர்.