‘වහාම බැංකු පොළි අනුපාතය තනි ඉලක්කමට ගත යුතුයි’ : ජනපතිගේ නියෝගයක් !

ගොවියාගේ සිට සුළු හා මධ්‍ය පරිමාණ කර්මාන්තකරුවාට සහ ආයෝජකයන් අපේක්ෂා කරන මුල්‍ය සහන ලබාදීමට

රාජ්‍ය බැංකු පෙරමුණ ගත යුතු බව ජනාධිපති ගෝඨාභය රාජපක්ෂ පවසයි.

ණය සඳහා ඉලක්කම් 02 ක පොළියක් අය කිරිමෙන් රටක අපේක්ෂා ඉටුකළ නොහැකි බවත් එය තනි ඉලක්කමක පහළ අගයකට ගෙන ඒමෙන් සංවර්ධනය සඳහා දායකවිය හැකි බවත් ජනාධිපතිවරයා අවධාරණය කර සිටියි.

எங்கள் பேஸ்புக் பக்கத்தை லைக் செய்யுங்கள்..!

ඔහු එබව කියා සිටියේ, ලංකා බැංකුවේ ප්‍රගතිය සම්බන්ධයෙන් අද පැවති සමාලෝචන රැස්වීමේදීය.

අද පවතින තත්ත්වයට ලෝකයේ කිසිදු රටක් මෙතෙක් මුහුණ දී නොමැති බව එහිදී පැවසූ ජනාධිපතිවරයා, ඉන් මිදීමට පැරණි රටාවෙන් ඔබ්බට සිතිය යුතු බවත්, ආර්ථිකය නගා සිටුවිම සාම්ප්‍රදායික ක්‍රමවේදයෙන් පමණක් සිදුකළ නොහැකි බවත් කියා සිටියේය.

ජනතාව තමන්ට ලබාදී ඇති බලය ක්‍රියාත්මක කරමින් සමස්ථ රට වැසියාගේ අපේක්ෂා ඉටු කිරිමට පසුබට නොවන බව ජනාධිපතිවරයා එහිදී අවධාරණය කර සිටියේය. එය කිසිසේත් දේශපාලනය වෙනුවෙන් නොව රට වෙනුවෙන් බවත් එයට බාධා කරන නම් සුදුසු පියවර ගැනීමට පසුබට නොවන බවද ඔහු එහිදී දැනුම් දී සිටියේය.

තමන් කිසිවිටෙකත් තමන්ගේ ඥාතීන්ට, හිතවතුන්ට හෝ උපකාර කළ පිරිසට ණය දෙන ලෙස බැංකු වලට උපදෙස් ලබාදී නොමැති බව ජනාධිපති ගෝඨාභය රාජපක්ෂ මෙහිදී ප්‍රකාශ කළේය.

Comments are closed.