ஸ்ரீலங்கன் விமான சேவையை வாங்க உள்ள 3 நிறுவனங்கள் மீது அரசாங்கத்தின் கவனம்.

ஸ்ரீலங்கன் எயார்லைன்ஸ் மறுசீரமைப்பு நடவடிக்கையின் இரண்டாம் கட்டத்தின் படி, இந்த நிறுவனத்தை கையகப்படுத்த முன்வந்துள்ள 06 நிறுவனங்களில் 3 நிறுவனங்கள் மீது அரசாங்கம் கவனம் செலுத்துகிறது.

ஸ்ரீலங்கன் எயார்லைன்ஸ் தொடர்ந்து நஷ்டம் அடைந்து வருவதால் மறுசீரமைப்பை மேற்கொள்ளும் நோக்கில் , ஷெரிஷா சுப்ரீம் குளோபல் ஹோல்டிங்ஸ், ஏர் ஏசியா கன்சல்டிங் மற்றும் ஹெய்லிஸ் பிரைவேட் லிமிடெட் ஆகிய நிறுவனங்கள் மீது அரசின் கவனம் குவிந்துள்ளது.

ஷெரிஷா சுப்ரீம் குளோபல் ஹோல்டிங்ஸ் என்பது உள்ளூர் நிறுவனமாகும், அதன் நிறுவனர் ஆர். எம். மணிவண்ணன் நாட்டின் எரிசக்தி நெருக்கடியை முடிவுக்குக் கொண்டு வந்து நாட்டை மீட்டெடுப்பதில் முன்னணிப் பங்காற்றிய உள்ளூர் தொழில்முனைவோராக அறியப்படுகிறார்.

இதனிடையே, விமானப் போக்குவரத்து ஆலோசனைத் துறையில் பெயர் பெற்ற நிறுவனமாக விளங்குவதுடன், ஸ்ரீலங்கன் விமான சேவையை மேம்படுத்துவதற்கான புதிய முன்மொழிவுகளை சமர்ப்பித்துள்ளதாகவும் தெரிவிக்கப்படுகிறது.

விவசாயம் முதல் தளவாடங்கள் மற்றும் போக்குவரத்து வரை, நாட்டின் மிகப்பெரிய பல்வகைப்பட்ட கூட்டு நிறுவனங்களில் ஒன்றாக ஹேலிஸ் அறியப்படுகிறது.

இதன்படி, இந்த மூன்று நிறுவனங்களின் மதிப்பீட்டின் பின்னர், ஸ்ரீலங்கன் எயார்லைன்ஸின் எஞ்சிய மறுசீரமைப்பு நடைமுறைப்படுத்தப்படும்.