நான் கொரோனாவை விடக் கொடியவன் – கருணா

“கருணா அம்மான்” எனப்படும் முன்னாள் அமைச்சர் விநாயகமூர்த்தி முரளிதரன் தான் கோவிட் -19 ஐ விட ஆபத்தானவன் என்று கூறியுள்ளார் .

“நான் கொரோனா வைரஸை விட ஆபத்தானவன் என்று காரைதீவு உள்ளூராட்சி மன்றத்தின் தலைவர் கூறியுள்ளார். அது உண்மை. நான் விடுதலைப் புலிகளின் உறுப்பினராக இருந்தபோது, ​​ஆனையிறவில் ஒரே இரவில் சுமார் 2000 முதல் 3000 இலங்கை இராணுவ வீரர்களைக் கொன்றேன். கிளிநொச்சியில் நான் அதிகம் கொன்றேன். இலங்கையில் கொரோனா வைரஸ் காவு கொண்ட உயிர்களின் எண்ணிக்கையை விட இது நிச்சயமாக அதிகமாக உள்ளது, ”என்று முன்னாள் பிரதி அமைச்சரும் ஶ்ரீலங்கா பொது ஜன பலவேகய கட்சி பிரபலமும் , முன்னால் புலிகளின் ஆயுதபடை தளபதிகளில் ஒருவருமான விநாயகமூர்த்தி முரளிதரன் எனப்படும் கருணா அம்மான் அம்பாறை மாவட்டத்தில் நடைபெற்ற ஒரு தேர்தல் பரப்புரையின் போது நேற்று (19) தெரிவித்துள்ளார்.

பிரதமர் மகிந்த ராஜபக்ஷ தேசிய பட்டியலில் இருந்து நாடாளுமன்றத்தில் சேர அழைப்பு விடுத்துள்ளார் இருப்பினும் மக்கள் ஆணைப்படி நாடாளுமன்றத்திற்கு தேர்ந்தெடுக்கப்படுவதையே தான் விரும்புவதால் அதற்கு மறுப்புத் தெரிவித்து தமிழ் ஐக்கிய சுதந்திர கூட்டணியில் போட்டியிடுவதாக அவர் அங்கே மேலும் தெரிவித்தார்.