நாங்கள் சொன்ன எதையும் கேட்கவில்லை:பிரிட்டிஷ் வகை கோவிட் வைரசுகள் உக்ரைன் மற்றும் பிற நாட்டவரால் பரவியது – குமுதேஷ்

உக்ரைன் மற்றும் பிற நாடுகளைச் சேர்ந்த சுற்றுலாப் பயணிகள் மூலமே பிரிட்டிஷ் கோவிட் வகை நாட்டிற்கு கொண்டு வரப்பட்டு பரவியது என்பதை தெளிவாகக் கூறலாம், என மருத்துவ ஆய்வக தொழில்நுட்ப வல்லுநர்கள் சங்கத்தின் தலைவர் ரவி குமுதேஷ் தெரிவித்தார்.

“ஒரு மாறுபாடு நாட்டிற்கு வரும்போது, ​​இலங்கையில் உள்ள தொழில்நுட்பம், ஆய்வக வசதிகள், அறிவு, சுகாதார இயந்திரங்கள், நாட்டு மக்கள் செலுத்தும் வரி ஆகியவை அந்த மாறுபாடு எங்கிருந்து வந்து நாட்டிற்குள் கசிந்தது என்பதைக் கூற மிகவும் போதுமானது ஏனென்றால், அவர்கள் இந்த விஷயங்களைச் செய்ய முயற்சிக்கிறார்கள், அவை முடிந்ததும் அவற்றை மறந்துவிடுவார்கள்.

எனவே இப்போது மீண்டும் நினைவுபடுத்துகிறோம். இலங்கைக்கு இந்திய ரக கோவிட் வந்துவிட்டதாக இலங்கை ஜெயவர்தனபுர பல்கலைக்கழகம் இன்று தெரிவித்துள்ளது. ஆனால் இந்திய ரகம் இலங்கைக்கு வந்தது இன்று என தெரிவிக்கப்பட்ட போதிலும், இது இன்று வந்தது என்று யாரும் சொல்ல முடியாது என்று நாங்கள் மீண்டும் மீண்டும் சொல்கிறோம். ஏனென்றால், இலங்கைக்கு இந்தியர்களை அழைத்து வரும்போதே அது குறித்து கவனம் செலுத்தும்படி நாங்கள் அவர்களிடம் கூறிக்கொண்டே இருந்தோம், அது தொடர்பான வழிமுறையைப் பாருங்கள். பின்னர், இந்தியாவின் அதிக ஆபத்துள்ள பகுதியில் இருக்கும், ​​இந்தியர்களை இலங்கைக்கு அழைத்து வருவதை நிறுத்துங்கள், இப்படியானோர் இலங்கைக்கு அழைத்து வரும்போது பி.சி.ஆர் சோதனைகளை பொறுப்புடன் செய்யுங்கள், அரசு மருத்துவமனைகளில் செய்யுங்கள், எனச் சொன்னோம். மாறுபாடுகளை யூகிக்கக்கூடிய எதிர்வினைகளை கருத்தில் கொள்ளச் சொன்னோம்..

எங்கள் பேஸ்புக் பக்கத்தை லைக் செய்யுங்கள்..!

இந்த ஆலோசனைகள் எதையும் காதில் வாங்கிக் கொள்ளவில்லை. கூட்டாக கொண்டு வரப்பட்டு தனிமைப்படுத்தப்பட்டவை ஒரு பக்கம். உக்ரைன் மற்றும் பல்வேறு நாடுகளைச் சேர்ந்த குழுக்களை தனிமைப்படுத்தலுக்கு கொண்டு வரப்பட்டது இன்னொரு பக்கம். இது ரகசியமாக செய்யப்பட்டது. அதன் விளைவாக இங்கிலாந்தில் பரவியிருந்த கோவிட் ரகம் நாடு முழுவதும் பரவியுள்ளது என்பதை நாம் தெளிவாகக் கூறலாம். இதைக் கண்டறியச் சொல்கிறோம்.

அடுத்து, விளம்பரம் செய்து தனிமைப்படுத்தலுக்காக இந்தியர்களை இங்கு அழைத்து வந்தனர். நாங்கள் எவ்வளவு சொன்னாலும் அதைப் பற்றி கவலைப்படவில்லை. இதன் விளைவாக இந்திய வகை கோவிட் ரகம் இந்த நாட்டிற்கு வந்துள்ளது. சிறப்பு கவனம் தேவைப்படும் 4 கோவிட் வகைகள் உள்ளன. அதில் 3 வகைகள் இப்போதே இலங்கையில் உள்ளன. இல்லாதிருப்பது பிரேசிலிய வகை மட்டுமே. அதையும் கொண்டுவர முடிந்தால், ஒரு குமிழி உருவாக்கப்பட்டு ஒரு திட்டம் செயல்படுத்தப்படும். நாங்கள் ஒன்றை சொன்னால் அதற்கு நேர்மாறாக செய்கிறார்கள், ”என்றார் அவர்.

ரவி குமுதேஷ் நேற்று முன்தினம் (08) நடைபெற்ற ஊடக சந்திப்பில் உரையாற்றும் போதே இக் கருத்தை வெளியிட்டார்.

Leave A Reply

Your email address will not be published.