රෝහිත බෝගල්ලාගම එජාප සාමාජිකත්වයෙන්- ජාතික ලැයිස්තුවෙන් ඉවත් වෙයි

එක්සත් ජාතික පක්ෂ සාමාජිකත්වයෙන් සහ එම පක්ෂයේ ජාතික ලැයිස්තුවෙන් ඉවත්වන බව හිටපු විදේශ අමාත්‍යවරයකු වන රෝහිත බෝගල්ලාගම මහතා ලිපියක් යවමින් සඳහන් කර ඇත.

එක්සත් ජාතික පක්ෂයේ මහලේකම් අකිල විරාජ් කාරියවසම් මහතාට ලිපියක් යවමින් ජූනි 25 වැනිදා සිට ක්‍රියාත්මක වන පරිදි එම පක්ෂ සාමාජිකත්වයෙන් සහ මෙවර මහ මැතිවරණයට ඉදිරිපත් කර තිබෙන එම පක්ෂයේ ජාතික ලැයිස්තුවෙන් ඉවත් වන බව ඔහු සිය ලිපිය මඟින් දන්වා ඇත.

පක්ෂ දේශපාලනයේ සීමාවලින් ඉවත්ව ‘‘ශ්‍රී ලංකාවට මුල්තැන’’ යන ආදර්ශ පාඨය ඔස්සේ යමින් ජාතියට සේවය කිරීමේ කාලය එළැඹ ඇතැයි ද සිය ලිපියේ සඳහන් කර ඇත.

எங்கள் பேஸ்புக் பக்கத்தை லைக் செய்யுங்கள்..!

අපගේ සාම්ප්‍රදායික විශ්වාස සහ ජනතාවගේ බලාපොරොත්තු එකිනෙකට නොපෑහෙන බවත් ඒ සියල්ලටම ජාතික අභිලාෂ සඳහා වැඩි දීමේ අවශ්‍යතාව පැන නැගෙමින් තිබෙන ඔහු සිය ලිපිය මඟින් දන්වා ඇත.

‘‘කොවිඩ්-19 වසංගතයෙන් පසු රට ප්‍රබල අභියෝග රැසකට මුහුණ දී සිටිනවා.ඒවාට විසඳුම් සෙවීම සඳහා බලයේ සිටින ඕනෑම ආණ්ඩුවක් සමඟ එක්සත්ව හා එකමුතුව, පක්ෂ විපක්ෂ භේදයකින් තොරව වැඩ කළ යුතුයි. එබැවින් රටටත් ජනතාවටත් බාරදූර වගකීමක් තිබෙන බව මම දැඩි සේ විශ්වාස කරනවා.

එක්සත් ජාතික පක්ෂයෙන් සහ ජාතික ලැයිස්තුවෙන් ඉවත් වීමෙන් මේ රටේ ජනතාවට සේවය කිරීමට මට වැඩි අවස්ථාවක් ලැබෙනවා’’ යැයි රෝහිත බෝගල්ලාගම මහතා තවදුරටත් සඳහන් කර ඇත.

Comments are closed.