ශ්‍රී ලාංකික රට විරුවන්ට දෙන තානාපති සහාය කප්පාදු කෙරේ

ලංකාවට වැඩිම විදේශ විනිමයක් උපයා දෙන විදේශගත කම්කරුවන්ගේ අයිතිවාසිකම් හා සුබසාධනය වෙනුවෙන් ලාංකීය තානාපති කාර්යාලවල පවත්වාගෙන යන අංශ සඳහා වසා දැමීමට රජය තීන්දු කර තිබේ.

රාජ්‍ය වියදම් කප්පාදුව සඳහා ගනු ලබන මේ පියවරට මැද පෙරදිග රටවල දූත අංශද ඇතුලත් වන අතර අදාල සේවක මණ්ඩල ආපසු කැඳවීමට නියමිත බව සති අන්ත ඉංශ්‍රීසි පුවත්පතක් වාර්තා කර ඇත.

අගෝස්තු 23 දින ‘Sunday times’ පුවත්පත වාර්තාකර ඇති පරිදි කම්කරු අමාත්‍යාංශය එම තීන්දුව ගෙන ඇත්තේ ශ්‍රී ලංකා විදේශ සේවා නියුක්ති කාර්යාංශය සමග කිසිදු සාකච්ඡාවකින් තොරවය.

எங்கள் பேஸ்புக் பக்கத்தை லைக் செய்யுங்கள்..!

කම්කරු අමාත්‍යාංශයේ ලේකම් මාපා පතිරණ එම පුවත්පතට පවසා ඇත්තේ රජයේ වියදම් කප්පාදු කිරීමේ නියෝග පරිදි එසේ කම්කරු හා සුබසාධන අංශ වසා දැමෙනු ඇති බවයි.

අමාත්‍යාංශ ලේකම් මේ පියවර ගැන පැහැදිලි කර ඇත්තේ “විදෙස් දූත සේවාවන්හි මෙම කම්කරු අංශ නඩත්තු කිරීම ආණ්ඩුවට ලාබදායක නැති” වැඩක් ලෙසිනි.

මෙම තින්දුව විදේශගත ලාංකීය ශ්‍රමිකයන් ගේ සුබසාධනය හා වෙනත් අවශ්‍යතා පිලිබදව මැදහත් වීම වෙනුවෙන් කම්කරු අංශ පවත්වාගෙන යන රටවල් 14 ටම බලපානු ඇත.

ප්‍රශ්නවලට ලක්වන විදේශගත සේවකයන් වෙනුවෙන් ආරක්ෂක නිවාස නඩත්තු කිරීම, කම්කරු ප්‍රශ්න වල දී මැදිහත්විම, රක්ෂණ ඉල්ලිම් ලබා ගැනීම හා මරණයකදී හා හදිසි අනතුරකදී වන්දි ගෙවීම ආදී කටයුතු බාරව ක්‍රියා කළේ විදේශ දූත මණ්ඩල වල පිහිටි කම්කරු අංශයයි.

වැඩිම විදෙස් විනිමය

ආණ්ඩුව මෙම තීන්දුව ගෙන ඇත්තේ ගැනෙන්නේ විදෙස් රැකියා මගින් ලංකාවට පසුගිය වසරේදී පමණක් ඇමරිකන් ඩොලර් බිලියන 6.8 ක් වන විදෙස් විනිමය ප්‍රමාණයක් මෙරටට උපයා දී තිබියදීය.

එම මුදල ඇඟලුම් හා තේ අපනයනය එකාබද්ධව උපයන ආදායමටත් වැඩිය.

සවුදි අරාබිය, එක්සත් අරාබි එමිරේට්ස්, කටාර්, ඕමාන්, දකුණු කොරියාව, සිංගප්පූරුව හා ජපානය යන රටවල් ගත් කළ ඒවායේ කම්කරු අංශ වල නිලධාරීන් 160 ක් සේවයේ නියුක්ත කර සිටී.

ආණ්ඩුවට වාර්ෂිකව රුපියල් මිලියන 900 ක් වැය වන හෙයින් විදෙස් කම්කරු කාර්යාල වසා දැමීමට අවශ්‍ය බව SLFEB නිලධාරීන් කැඳවා කම්කරු අමාත්‍ය නිමල් සිරිපාල ද සිල්වා පෙන්වා දී ඇති බව සන්ඩේ ටයිම්ස් වාර්තාව පවසයි.

කෙසේ වෙතත් මෙම තීන්දුව ගැනීමේ දී ශ්‍රී ලංකා විදේශ රැකියා නියුක්ති කාර්යාංශය (SLBEF) සමග සාකච්ඡාවක් කර ඇති බවට වාර්තාවී නැත.

කෙසේ වෙතත් කම්කරු ඇමතිවරයා මේ තීන්දුව නිලධාරීන්ට පැහැදිලි කරන අවස්ථාවට විදෙස් රැකියා රාජ්‍ය අමාත්‍ය ප්‍රියංකර ජයරත්න සහභාගී වී නැත.

“මේ ගැන අමාත්‍යාංශය අපව විමසුවේ නැති නමුත්, අපි ආණ්ඩුවේ තීන්දුව මෙය නම් එහි නියෝග අනුව ක්‍රියා කිරීමට බැඳෙනවා,” යි SLFEB ප්‍රකාශක මංගල රන්දෙනිය ‘Sunday times’ පුවත්පතට පවසා තිබේ.

පසුගිය වසරේ රැකියා සදහා ශ්‍රී ලාංකිකයන් 203,000 ක් පමණ විදෙස් ගත වී තිබෙන අතර, ඉන් 150,000 කටත් වැඩි පිරිසක් ගොස් ඇත්තේ සවුදි අරාබිය, කටාර්, ක්වේට් හා එක්සත් අරාබි එමීර් රාජ්‍යය වෙතයි.

විදේශගත ශ්‍රී ලාංකිකයන් අතරින් 75% කට වඩා සේවයේ යෙදී සිටින්නේ මැද පෙරදිග රටවලය.

Leave A Reply

Your email address will not be published.