இராணுவம் வசமுள்ள காணிகளை மக்களிடம் மீளக் கையளிக்கும் நிகழ்வு.

உள்ளூர் செய்திகள்செய்திகள்முக்கிய செய்தி

By Jegan Last updated Mar 10, 2024

யாழ்ப்பாணம், கிளிநொச்சி மாவட்டங்களில் இராணுவக் கட்டுப்பாட்டில் உள்ள 110 ஏக்கர் காணிகளை உத்தியோகபூர்வமாகப் பொதுமக்களிடம் மீளக் கையளிக்கும் நிகழ்வு இன்று நடைபெற்றது.

இன்று நண்பகல் 12 மணியளவில் யாழ்ப்பாணம் மாவட்ட செயலக மாநாட்டு மண்டபத்தில் இடம்பெற்ற நிகழ்வில் பொதுமக்களிடம் காணிகளை உத்தியோகபூர்வமாகக் கையளிக்கும் நிகழ்வு இடம்பெற்றது.
வங்கதேச அணிகளுக்கு இடையிலான கடைசி டி20 போட்டியில் இலங்கை அணி 28 ரன்கள் வித்தியாசத்தில் வெற்றி.
யாழ்ப்பாணம் மாவட்டத்தில் ஜே94, ஜே 146, ஜே 235, ஜே 240, ஜே 241 ஆகிய கிராம சேவகர் பிரிவுகளில் இராணுவ வசம் உள்ள 70 ஏக்கர் காணிகளும், கிளிநொச்சி மாவட்டத்தில் கே.என் 11, கே.என் 23, கே.என் 08, கே.என் 43, கே.என் 67, கே.என் 76 ஆகிய கிராம சேவகர் பிரிவுகளில் இராணுவ வசம் இருந்த 40 ஏக்கர் காணிகளும் விடுவிக்கும் காணி ஆவணங்கள் மாவட்ட செயலாளர்களிடம் வழங்கிவைக்கப்பட்டன.

அதன்பிரகாரம் யாழ். மாவட்டத்தில் விடுவிக்கப்பட்ட 70 ஏக்கர் காணிகளுக்கான ஆவணம் பதில் மாவட்ட செயலாளர் மருதலிங்கம் பிரதீபனிடமும், கிளிநொச்சி மாவட்டத்தில் விடுவிக்கப்பட்ட 40 ஏக்கர் காணிகளுக்கான ஆவணம் கிளிநொச்சி மாவட்ட பதில் மாவட்டச் செயலாளர் நளாயினி இன்பராஜிடமும் கையளிக்கப்பட்டன.
பொலிஸாரின் அத்துமீறல்களுக்கு எதிராக யாழ். பல்கலை ஆசிரியர் சங்கம் கண்டனம்.
இந்த நிகழ்வில் ஜனாதிபதியின் சிரேஷ்ட மற்றும் தேசிய பாதுகாப்பு ஆலோசகர் சாகர ரத்நாயக்க, யாழ். மாவட்ட ஒருங்கிணைப்புக் குழுத் தலைவரும் கடற்றொழில் அமைச்சருமான டக்ளஸ் தேவானந்தா, ஜனாதிபதியின் மேலதிக செயலாளர் எல்.இளங்கோவன், யாழ். மாவட்ட கட்டளைத் தளபதி சந்தன விக்கிரமசிங்க மற்றும் துறைசார் அதிகாரிகள், முப்படையினர், காணி உரிமையாளர்கள் உட்படப் பலர் கலந்துகொண்டனர்.